Apertura de listas docentes varias especialidades

Especialidade convocada:

• 590227 — Sistemas e aplicacións informáticas.

Requisitos específicos: posuír algunha das titulacións habilitantes previstas no anexo II da Orde do 2 de outubro de 2023 e acreditar a formación pedagóxica e didáctica esixida, coas dispensas e equivalencias recollidas na resolución.

Ademais, deberán cumprirse os restantes requisitos da convocatoria, incluída a acreditación do coñecemento da lingua galega.

Descargar resolución · Secundaria

Consultar a publicación no portal educativo

Especialidades convocadas:

• 593001 — Acordeón.
• 593009 — Clave.
• 593010 — Composición.
• 593032 — Frauta travesa.
• 593058 — Percusión.
• 593084 — Canto de jazz.
• 593095 — Instrumentos históricos de corda fretada.

Titulación: deberá posuírse algunha das titulacións específicas que a resolución establece para cada especialidade, acompañada da certificación académica na que conste, de ser o caso, o itinerario ou instrumento cursado.

Capacidade investigadora: en todas as especialidades deberá acreditarse a formación e capacidade de tutela nas investigacións propias das ensinanzas artísticas mediante, cando menos, unha destas vías:

• Título de doutoramento.
• Título oficial de mestrado de, cando menos, 60 créditos que capacite para a investigación educativa ou a investigación propia das ensinanzas artísticas.
• Recoñecemento de suficiencia investigadora ou certificado/diploma de estudos avanzados.

Deberán cumprirse tamén os restantes requisitos establecidos na resolución, incluída a acreditación do coñecemento da lingua galega.

Descargar resolución · Cátedras

Consultar a publicación no portal educativo

Convócase a elaboración da lista para impartir Relixión Evanxélica en educación primaria nos centros docentes públicos dependentes da Consellería.

Código: 701402.

Titulación: doutoramento, licenciatura, enxeñaría, arquitectura ou equivalente, grao, diplomatura, arquitectura técnica, enxeñaría técnica ou equivalentes, nos termos da resolución.

Requisito específico: ter sido proposto pola autoridade da confesión relixiosa para impartir estas ensinanzas en primaria, mediante a autorización de idoneidade da congregación ou igrexa local e o certificado emitido polo Consello Evanxélico de Galicia ou por unha entidade dependente da Federación de Entidades Relixiosas Evanxélicas de España.

Deberán cumprirse tamén os restantes requisitos da convocatoria, incluída a acreditación do coñecemento da lingua galega.

Descargar resolución · Relixión Evanxélica

Consultar a publicación no portal educativo

Importe ordinario: 18,40 €, nos termos establecidos na base quinta de cada convocatoria.

Exención do pagamento:

• Persoas con discapacidade igual ou superior ao 33 %.
• Membros de familias numerosas de categoría especial.

Bonificación do 50 %:

• Membros de familias numerosas de categoría xeral.
• Persoas demandantes de emprego desde, polo menos, seis meses antes da data da convocatoria que non perciban prestación ou subsidio por desemprego na data de presentación da solicitude.
• Vítimas de terrorismo.

As exencións e bonificacións deberán acreditarse segundo o previsto na resolución correspondente.

Acceder á Oficina Virtual Tributaria · Pagamento de taxas

Cómpre achegar a documentación dos requisitos e a certificación académica persoal da titulación alegada, coa nota media calculada conforme ao Real decreto 1125/2003, segundo as indicacións de cada convocatoria.

Se non se presenta a certificación académica ou non figura a nota media nos termos esixidos, considerarase unha nota media de 5,00 puntos.

O baremo aplicable é a nota media do expediente académico da titulación alegada. As persoas seleccionadas incorporaranse despois da última persoa que figure na lista correspondente, conforme ás bases de cada resolución.

As relacións provisionais de persoas admitidas e excluídas e o baremo provisional publicaranse no portal educativo.

Contra esas listaxes poderá reclamarse no prazo de tres días hábiles desde o día seguinte á publicación, a través do procedemento ED003A, opción «Alegacións».