Vacantes provisionais do CADP 2026/27 · Corpo de Mestres e Xubilacións · (Mestres e Secundaria)

Publicadas as vacantes provisionais para a adxudicación de destinos provisionais do corpo de mestres correspondentes ao curso 2026/27 así como as xubilacións.

Información destacada

A Consellería publicou a relación de vacantes provisionais do corpo de mestres que serán utilizadas no procedemento de adxudicación de destinos provisionais (CADP) para o curso 2026/27.

Recoméndase revisar todas as vacantes publicadas, especialmente os códigos de centro, especialidade, tipo de posto, itinerancias e observacións.

👴 Consulta das xubilacións por provincia

Consulta a relación de xubilacións do corpo de mestres por provincia, unha información de interese para analizar as vacantes e as posibilidades de adxudicación no CADP.

Recomendación de CSIF Ensino Galicia

Antes da publicación da adxudicación provisional, revisa todas as vacantes e comproba que a orde das túas peticións se adapta realmente ás túas preferencias. Unha boa revisión nesta fase pode evitar reclamacións posteriores.

Se detectades algún erro, omisión ou incidencia nas vacantes publicadas, podedes facérnolo chegar ao correo de CSIF Ensino: ense27@csif.es

É importante indicar con claridade o centro, o código da praza, a especialidade e o motivo da reclamación, achegando, sempre que sexa posible, a información ou documentación que acredite a incidencia.

As comunicacións do profesorado axúdannos a reclamar ante a Administración que se incorporen ao procedemento todas as vacantes que deben ser ofertadas. Canto máis concreta e fundamentada sexa a información recibida, máis sólida poderá ser a súa defensa nas reunións coa Consellería.