Información principal

A convocatoria ofrece 120 prazas de estancias profesionais en distintos países europeos para o curso 2026/2027. Trátase de visitas de estudo e observación en centros educativos de acollida durante un período de dúas semanas.

Que debes saber

• Estas estancias están pensadas para mellorar a competencia profesional do profesorado nun contexto internacional e favorecer o intercambio de experiencias educativas. 
• A convocatoria está dirixida a docentes de centros educativos públicos españois. 
• Os destinos inclúen países como Alemaña, Austria, Bélxica, Dinamarca, Estonia, Finlandia, Francia, Irlanda, Italia, Malta, Noruega, Países Baixos, Portugal, Reino Unido, Suecia e Suíza. 
• Para participar é necesario acreditar, con carácter xeral, un nivel mínimo B2 do idioma requirido segundo o país de destino. 

Persoas destinatarias

A convocatoria está dirixida a funcionariado de carreira dos seguintes corpos docentes: mestres/as de Educación Infantil e Primaria, profesorado de Ensino Secundario, catedráticos/as de Ensino Secundario, profesorado e catedráticos/as de Escolas Oficiais de Idiomas, profesorado técnico de Formación Profesional, profesorado de Música e Artes Escénicas e profesorado de Artes Plásticas e Deseño. 

Non pode participar o persoal interino, xa que a convocatoria está dirixida exclusivamente a funcionarios e funcionarias de carreira. 

Requisitos principais

• Ser funcionario/a de carreira en activo ou en excedencia xustificada antes do 1 de setembro de 2024. 
• Impartir docencia directa nun centro español ou cumprir as condicións específicas previstas na convocatoria.
• Acreditar o nivel B2 do idioma oficial do país de destino ou de inglés, segundo corresponda. 
• Non ter sido beneficiario/a desta axuda nas catro últimas convocatorias, salvo excepcións por forza maior. 

Acceso á documentación