CSIF insta a provisión de ordenadores para as partes na sala de vistas dos Xulgados do Social número 1 e 2 de Lugo.

Dende CSIF volvemos reiterar (xa presentamos escrito o 1 de febreiro de 2023) a reivindicación dos compañeiros e compañeiras dos Xulgados do Social número 1 e 2 de que non hai ordenadores para as partes na sala de vistas que comparten os Xulgados do Social números 1 e 2 de Lugo, co fin de que poidan examinar as probas.

Hai que lembrar que nesta xurisdición a proba proponse e practícase no acto do xuízo como se prevé no artigo 87 da lei 36/11, do 10 de outubro reguladora da xurisdicción social polo que resulta imprescindible que, se queremos eliminar o uso do papel e optamos polo expediente xudicial electrónico, se dote de medios tecnolóxicos suficientes para a análise das probas propostas por todas as partes.

Ademais, unha vez dotada a sala destes ordenadores, sería útil que a proba estivese cargada no ordenador do funcionario ou funcionaria de auxilio xudicial e con conexión coa unidade compartida do xulgado de tal forma que as partes puideran acceder, no momento da proposición e práctica da proba, a unha carpeta desa unidade onde estean todas as probas.
A dixitalización da xustiza é un dos eixos do proxecto Xustiza 2030 e no que xa a Lei 18/2011, de 5 de xullo, reguladora do uso das tecnoloxías da información e da comunicación na Administración de xustiza sentou as bases. O libro I e II do recente Real Decreto Lei 6/2024 supoñen un paso máis hacia esta Xustiza dixital, moderna y propia do século no que nos atopamos.

En consecuencia, dende CSIF solicitamos que se solvente esta situación á maior brevidade pois resulta incongruente apostar por una administración dixitalizada e moderna e non prover dos medios adecuados para iso.