Formación de CSIF sobre o coidado da espalda no ámbito sanitario en A Coruña

Profesionais do Servizo Galego de Saúde participaron onte nun curso sobre o coidado da espalda, unha formación pensada para quen no seu día a día realizan mobilizacións de pacientes, manipulación de cargas ou manteñen posturas prolongadas.

Durante a xornada, abordáronse técnicas e recomendacións para previr lesións musculoesqueléticas, mellorar a ergonomía no posto de traballo e fomentar hábitos que permitan desenvolver a actividade profesional de forma máis segura e saudable. O obxectivo foi proporcionar ferramentas prácticas que axuden a protexer a saúde dos profesionais e concienciar sobre a importancia da prevención.

A actividade reuniu persoal de distintas categorías, que compartiron experiencias e reflexionaron sobre a seguridade no traballo asistencial. Desde CSIF, resaltamos a relevancia da formación continuada en modalidade presencial como elemento clave para mellorar tanto a seguridade laboral como a calidade asistencial.

CSIF Sanidade Coruña agradece a implicación e interese do persoal participante, fundamentais para seguir avanzando na protección da saúde dos profesionais e na excelencia do sistema sanitario.