O programa está concibido como un foro de discusión e diálogo en lingua inglesa que simula sesións da Asemblea Xeral da ONU, seguindo o modelo Model United Nations. O alumnado investiga cuestións de interese global, representa delegacións de países e traballa procedementos de debate, negociación, redacción e exposición pública.

• Favorece a competencia en comunicación lingüística e plurilingüe.
• Impulsa o pensamento crítico, a mediación e a argumentación.
• Ten un enfoque formativo e interdisciplinar.
• Relaciona o traballo do alumnado cos ODS e coa cidadanía global.

• Integrar curricularmente o programa en 3º da ESO ao longo do curso 2025/2026.
• Incorporar a súa planificación e avaliación á PXA ou á correspondente addenda.
• Formar o alumnado en oratoria, debate e análise da información en inglés.
• Participar nas sesións informativas, formación e actividades de difusión.
• Organizar un simulacro experimental para seleccionar o alumnado representante do centro.
• Difundir o programa na comunidade educativa e avaliar os seus resultados.

• Apoio e asesoramento aos centros mediante mentoría.
• Formación especializada para o profesorado implicado.
• Apoio ás persoas auxiliares de conversa vinculadas ao programa.
• Coordinación da documentación e da Aula Virtual específica.
• Organización da Final Conference Galicia.
• Posibilidade de asignación económica aos centros, segundo dispoñibilidade orzamentaria.
• Xestión da inscrición, traslado, seguro e estadía da delegación gañadora en Nova York.

A resolución indica que a Final Conference Galicia terá lugar o venres 6 de marzo de 2026, de 8:30 a 17:30 horas, na EGAP (Santiago de Compostela).

• Participarán 80 alumnos e alumnas, 10 por cada centro.
• Cada centro acudirá con 5 delegacións de 2 persoas.
• O tema do debate será: “Combating Climate Change: Addressing Clean Energy, Pollution, Global Health and Sustainability”.
• Ao remate da xornada anunciarase a delegación gañadora.

• Os centros participantes recibirán un distintivo polo traballo desenvolvido.
• O alumnado obterá recoñecemento e mención da súa participación.
• O profesorado designado pola dirección, ata un máximo de tres docentes por centro, recibirá un certificado de innovación educativa equivalente a 20 horas de formación permanente.