CONVOCATORIA DE ESTADÍAS FORMATIVAS EN EMPRESAS OU INSTITUCIÓNS PARA O ANO 2022 DESTINADAS AO FUNCIONARIADO DOCENTE NON UNIVERSITARIO
- Otros artículos
14 de marzo de 2022
CONVOCATORIA DE ESTADÍAS FORMATIVAS EN EMPRESAS OU INSTITUCIÓNS PARA O ANO 2022 DESTINADAS AO FUNCIONARIADO DOCENTE NON UNIVERSITARIO
Destinatarios
O profesorado que cumpra, entre outras, as seguintes condicións:
- Ser funcionario/a nalgún dos corpos e das especialidades vinculadas ás ensinanzas de formación profesional inicial e das artes plásticas e o deseño.
- Estar en situación de servizo activo no período solicitado para a realización da estadía, prestando servizos en centros públicos dentro do ámbito de xestión da Consellería de Cultura, Educación e Universidade.
Obxectivos
- Coñecer directamente os procesos produtivos que se desenvolven nas empresas.
- Formar o profesorado mediante o seu achegamento ao mundo produtivo e aos seus avances tecnolóxicos.
Modalidades
- Modalidade A: estadías formativas en empresas ou institucións acollidas a este programa referidas no anexo I da convocatoria.
- Modalidade B: estadías formativas noutras empresas ou institucións. Para facilitar a procura de empresas, publícase a relación de empresas que manifestaron o seu interese en participar nesta convocatoria, coa especialidade da estadía e o seu período de realización.
Inscrición
O procedemento de solicitude desenvolverase en dúas fases:
- 1ª fase: ata o 23 de marzo de 2022.
- 2ª fase: ata o 6 de abril de 2022.
Período de realización e duración
Desde o 20 de abril ata o 10 de setembro de 2022, cunha duración máxima de 160 horas.
- Modalidade A: A duración e o período de realización será o acordado para cada caso entre a empresa e o asesor ou asesora de formación do ámbito de formación profesional do centro de formación e recursos correspondente en base ás preferencias dos/as solicitantes.
- Modalidade B: A duración e o período de realización será acordado para cada caso entre o/a solicitante e a empresa.
Convocatoria de estadías formativas