CSIF volve reiterar que, dunha vez por todas, se instale un sistema de aire acondicionado no edificio da Audiencia Provincial de Lugo.

Dende CSIF insistimos na necesidade de implantar un sistema de aire acondicionado no edificio da Audiencia Provincial de Lugo, petición feita á Dirección Xeral de Xustiza o 3 de febreiro do ano en curso así como ao Comité de Seguridade e Saúde, o 24 de febreiro. Agora, volvemos reiterar á petición tanto á DXX como ao Comité de Seguridade e Saúde, sen perxuízo de adoptar outras medidas se non se atende esta reivindicación. Agás o andar cuarto, as salas de vistas e os corredores, o resto do edificio carece de aire acondicionado, algo que non é de recibo nun edifico público e no século no que estamos. A situación vaise agravar de cara ao verán e pode chegar a producir estrés térmico pois xa estamos vendo situacións de agobio nalgúns compañeiros/as algúns días de calor.

O Real Decreto 486/1997, de 14 de abril, polo que se establecen as disposición mínimas de seguridade e saúde nos lugares de traballo, prevé o seguinte:

“1. La exposición a las condiciones ambientales de los lugares de trabajo no debe suponer un riesgo para la seguridad y la salud de los trabajadores.

2. Asimismo, y en la medida de lo posible, las condiciones ambientales de los lugares de trabajo no deben constituir una fuente de incomodidad o molestia para los trabajadores. A tal efecto, deberán evitarse las temperaturas y las humedades extremas, los cambios bruscos de temperatura, las corrientes de aire molestas, los olores desagradables, la irradiación excesiva y, en particular, la radiación solar a través de ventanas, luces o tabiques acristalados.

3. En los locales de trabajo cerrados deberán cumplirse, en particular, las siguientes condiciones: a) La temperatura de los locales donde se realicen trabajos sedentarios propios de oficinas o similares estará comprendida entre 17 y 27 ºC.”

Polo exposto, dende CSIF reivindicamos que é necesario que se implemente un sistema de aire acondicionado á maior brevidade pois do contrario, pode chegar a producirse a paralización da actividade laboral por risco debido ás condicións nas que se realiza o traballo e incluso acudir a outras vías previstas na lexislación vixente.