Contido da reunión de CSIF co novo Director Xeral de Xustiza

No día de onte, mantivemos unha reunión co novo director xeral de Xustiza, D.  José Tronchoni, coa finalidade de abordar diferentes temas relativos as gardas de Vigo e A Coruña, expediente dixital, novos xulgados, traxectoria profesional, actualización do Cat, salas de videoconferencias, regulación da figura do formador/a e, por último, teletraballo que ampliamos  máis polo miúdo de seguido.   

- Comezamos comentando a necesidade de implantar xa as gardas de 24 horas en Coruña e Vigo, e neste punto insiste en priorizar a creación de novos xulgados do orden civil ante as gardas de 24 horas mostrando tamén disconformidad co informe elaborado no seu día polo CXPX.

- No que atinxe ao expediente dixital, insitimos na necesidade dunha formación presencial,  xa que ainda que non se trata dun expediente electrónico, sí consideramos imprescindible certa formación, manifestando neste punto o seu apoio, se ben tamén indicou a necesidade de que nos impliquemos todos, tanto  operadores como usuarios.

-Tamén sería moi necesario a figura dos formadores, a fin de que os novos compañeiros teñan coñecemento do programa e rexistros, ou, noutro caso, incentivar económicamente a quen o faga voluntariamente no propio xulgado, mostrándose disposto a estudalo.

-Fixemoslle saber a necesidade de novos Xulgados en Carballo, Viveiro, Ribeira, Vilagarcia, así como de Violencia e Penais, sobre todo en Ourense, recoñecendo a súa necesidade, se ben ao entrar en xogo varias administracións,  mentres non se acade ese obxectivo, suplirase con reforzos, apoios e/ou prolongación onde sexa necesario.

- Insistimos en que hai que abrir xa e dunha vez o prazo para que os titulares que reúnan os requisitos e os que veñen no concurso  poidan cobrar a traxectoria profesional, así como os interinos, xa que aínda que gañamos por sentencia o seu dereito, o estar recurrido no TS non hai esa posibilidade, polo momento.

 - Lembrámoslle tamén a falta de actualización do CAT de xestores e médicos forenses dende xaneiro de 2022.  

 - Sinalamos a problemática das videoconferencias e insistimos na necesidade de instalación de novas salas de videoconferencias nos xulgados mixtos. Neste punto está de acordo e manifesta a súa conformidade en instalar unha segunda sala de videoconferencias onde poder levar a cabo os actos de comunicación pertinentes e axilizar o trámite e sempre que haxa espacio para a súa instalación.

 - No relativo ao teletraballo,  reiteramos a urxencia de proceder ao reparto dos ordenadores portátiles a xestores e tramitadores que solicitaron o teletraballo,  xa que e unha obviedade que sen eles, aínda que o teñan concedido,  a maioría dos compañeiros/as non poderán desenvolvelo. 

 - No referente ao Rexistro Civil exclusivo da Coruña trasladouselle a necesidade dun cambio de ubicación ás dependencias libres e disponibles na antiga Fábrica de tabacos, xa que co novo sistema DICIREG o edificio onde está ubicado non se adapta o sistema e modelo actual (neste punto presentouse tamén o correspondente escrito)