Nomeamento de persoal de reforzo no Xulgado de Sarria.

  • Otros artículos
  • Puesto de Trabajo y Categoría Profesional
  • Funcionario
  • Interino

7 de junio de 2023

Dende CSIF tivemos coñecemento de que no Xulgado de Sarria non se procedeu ao nomeamento dunha nova persoa de reforzo dende a renuncia da anterior traballadora o día 8 de maio, cando ademais, este nomeamento non expiraba, de inicio, ata xuño.

Esta circunstancia de ter esta mesa parada (que se sumou a outra praza cuia titular marchou no concurso de traslados e se cubriu nestes días por unha persoa interina) agrava o problema de sobrecarga de traballo que arrastra este xulgado dende hai moito tempo e no que non se pode mirar para outro lado pois está en xogo a calidade do servizo público que prestamos e tamén o desgaste do persoal funcionario que, en moitas ocasións, se pode ver abocado a incapacidades temporais polo estrés xerado.

Polo tanto, dende CSIF presentamos escrito (que achegamos xunto co xustificante de presentación) solicitando que se proceda a nomear nova persoa de reforzo á maior brevidade en base ao artigo 19 da Orde de 4 de outubro do 2018 sobre selección e nomeamento de persoal interino.

ARCHIVOS ADJUNTOS

COMPARTIR