Convocadas licenzas por formación non retribuídas para o curso académico 2026/27 destinadas ao funcionariado docente non universitario.

Convocadas licenzas por formación non retribuídas para o curso académico 2026/27 destinadas ao funcionariado docente non universitario.

Información destacada

A Dirección Xeral de Centros e Recursos Humanos publicou a Resolución do 9 de xullo de 2026 pola que se convocan licenzas por formación non retribuídas para o curso académico 2026/27, destinadas ao funcionariado docente non universitario.

Estas licenzas permiten dedicar un período determinado a completar estudos de carácter académico ou desenvolver proxectos de investigación relacionados coa práctica docente e co sistema educativo galego.

Prazo de solicitude

O prazo de presentación de solicitudes comeza o día seguinte ao da publicación da resolución no Portal Educativo e remata o 24 de xullo de 2026, incluído.

Modalidades e duración

As licenzas poderán concederse por períodos ininterrompidos de ata seis meses ou polo total do período previsto:

• Do 1 de setembro de 2026 ao 31 de xaneiro de 2027.
• Do 1 de xaneiro ao 30 de xuño de 2027.
• Do 1 de setembro de 2026 ao 30 de xuño de 2027.

A convocatoria contempla un total de 96 meses de licenzas non retribuídas:

• 80 meses para a submodalidade A.
• 16 meses para a submodalidade B.

Submodalidades

Submodalidade A: realización de estudos académicos conducentes á obtención de titulacións universitarias de grao ou equivalente, mestrado ou doutoramento universitario, relacionados con áreas, ciclos ou especialidades do sistema educativo galego.

Submodalidade B: realización de proxectos ou actividades orixinais e inéditas, de carácter individual, relacionadas co traballo docente ou de interese para o sistema educativo galego.

Solicitudes

As persoas interesadas deberán cubrir a solicitude a través da aplicación Fprofe. A solicitude será única e só poderá presentarse para unha das submodalidades.

Unha vez finalizada a solicitude en Fprofe, a aplicación xerará o anexo correspondente, que deberá presentarse electronicamente a través da Sede electrónica da Xunta de Galicia, mediante o procedemento PR004A, indicando no apartado “Asunto relacionado” a denominación Licenzas por formación.

Acceso á aplicación Fprofe Sede electrónica da Xunta

Criterios de prelación

No caso de que as solicitudes superen os meses dispoñibles, a selección realizarase conforme á seguinte orde:

1. Funcionariado docente de carreira que non tivese licenzas de calquera modalidade nos dous cursos anteriores.
2. Funcionariado docente de carreira que tivese licenzas nos dous cursos anteriores.
3. Funcionariado docente en prácticas.
4. Funcionariado docente interino.

Documentación oficial

Publicación no Portal Educativo Resolución do 9 de xullo de 2026