Resolución definitiva de centros seleccionados para participar no programa Spring Week 2025/26
- Convocatorias
13 de March de 2026
A Consellería publicou a resolución definitiva de centros docentes públicos seleccionados para participar no programa de inmersión lingüística activa en lingua inglesa Spring Week, dirixido ao alumnado de 6º de educación primaria e de educación secundaria obrigatoria durante o curso 2025/26.
📌 Que publica a Consellería?
- Relación definitiva de centros públicos seleccionados.
- Puntuación obtida por cada centro.
- Número de alumnado participante e quenda asignada.
- Relación de centros en reserva, ordenados segundo a puntuación acadada.
Centros seleccionados e centros en reserva
A resolución definitiva recolle no seu anexo a relación de centros seleccionados para participar no programa, indicando para cada un deles a puntuación obtida, o curso, o número de alumnado definitivo e a quenda asignada.
Tamén se publica a relación de centros en reserva, ordenados segundo a puntuación acadada, para os supostos previstos na convocatoria.
Quendas e datas do programa
O programa Spring Week desenvolverase en seis quendas:
- 1ª quenda: do 22 ao 28 de marzo de 2026 · 2º ESO
- 2ª quenda: do 12 ao 18 de abril de 2026 · 1º ESO
- 3ª quenda: do 19 ao 25 de abril de 2026 · 1º ESO
- 4ª quenda: do 3 ao 9 de maio de 2026 · 6º EP
- 5ª quenda: do 10 ao 16 de maio de 2026 · 6º EP
- 6ª quenda: do 17 ao 23 de maio de 2026 · 6º EP
Destinatarios do programa
O programa está dirixido a centros docentes públicos dependentes da Consellería nos que se impartan ensinanzas de 6º de educación primaria e/ou de 1º e 2º de educación secundaria obrigatoria durante o curso 2025/26.
Trátase dun programa de inmersión lingüística activa en lingua inglesa, orientado á mellora da comunicación oral do alumnado nun contexto real de convivencia e aprendizaxe.
Recurso contra a resolución
Contra esta resolución, que non pon fin á vía administrativa, poderá interpoñerse recurso de alzada ante a persoa titular da Consellería no prazo dun mes, contado a partir do día seguinte ao da súa publicación no portal educativo.
Información elaborada por CSIF Ensino Galicia a partir da publicación oficial da Consellería. Recoméndase consultar sempre o texto íntegro da resolución e da convocatoria.