Galicia - Administración de Justicia

Acción social 2026.

laura.lopez.lopez — Fri, 16 Oct 26 14:40:00 CEST

Acción SocialGalicia - Administración de Justicia Image

Dende a Dirección Xeral de Xustiza comunícannos que a publicación da "Resolución do 09 de outubro de 2026 da Dirección Xeral de Xustiza, pola que se aproban as listaxes definitivasdas solicitudes admitidas e excluídas correspondentes ás axudas do fondo de acción social do ano 2026 para o persoal ao servizo da administración de xustiza con destino na comunidade autónoma de Galicia" está prevista para o 23/10/2026.

Resumo da reunión de acción social 2026.

laura.lopez.lopez — Thu, 08 Oct 26 11:18:00 CEST

Acción SocialGalicia - Administración de Justicia Image

Hoxe mantivemos unha reunión coa Dirección Xeral de Xustiza sobre as listaxes definitivas da acción social 2026.

Os datos definitivos que nos proporcionaron son os seguintes:

-Houbo 18 alegacións das 19 provisionalmente denegadas. Admitíronse 17.

-Número total de solicitudes presentadas: 143 (corresponden a 163 beneficiarios)

-Solicitudes admitidas: 141 máis 1 parcialmente estimada

-Solicitudes denegadas : 1

As cantidades que se percibirán serán as seguintes:

-Tramo 1 do 33 % ao 64 %: 87,29 €

-Tramo 2 do 65 % ao 74 %: 174,59 €

-Tramo 3 do 75 % en diante: 349,18 €

Informaránnos tamén de cando se vai publicar a Resolución no DOG así como as datas de pagamento.

Dende CSIF seguiremos intentando, nas sucesivas convocatorias, que se amplíe esta acción social aos supostos anteriores á crise (axudas por estudos, transporte...) así como a ampliación da partida presupuestaria para este fin.

Convocatoria comisión acción social 2026.

laura.lopez.lopez — Mon, 05 Oct 26 12:04:00 CEST

Acción SocialGalicia - Administración de Justicia Image

Convócase para a celebración, a través do sistema de videoconferencia, da comisión de acción social, na data e hora que se indica:

Data: 08/10/2026

Hora: 11.00h.

Lugar: mediante videoconferencia.

ORDE DO DÍA:

1. Aprobación, se procede, da acta da reunión anterior.

2. Listaxes definitivas das solicitudes admitidas e excluídas correspondentes ás axudas do fondo de acción social do ano 2026.

Recordatorio: O 28 de setembro remata o prazo de alegacións á listaxe provisional de acción social.

laura.lopez.lopez — Fri, 25 Sep 26 12:26:00 CEST

Acción SocialGalicia - Administración de Justicia Image

En relación ás listaxes de acción social, dende CSIF recordámosvos que o día 28 de setembro remata o prazo de 10 días para formular as reclamacións que se consideren oportunas e emendar os defectos da exclusión provisional.

Acción social 2026: Publicación das listaxes provisionais.

laura.lopez.lopez — Mon, 14 Sep 26 08:41:00 CEST

Acción SocialGalicia - Administración de Justicia Image

Publicada no DOG a Resolución do 4 de setembro de 2026, da Dirección Xeral de Xustiza, pola que se aproban as listaxes provisionais das solicitudes admitidas e excluídas correspondentes ás axudas do Fondo de Acción Social do ano 2026 para o persoal ao servizo da Administración de xustiza con destino na Comunidade Autónoma de Galicia.

Por causa do carácter persoal dos datos vinculados a estas, a persoa interesada accederá á información relativa á admisión ou exclusión provisional da súa solicitude a través da OPAX, co seu certificado dixital recoñecido ou co usuario e contrasinal.

As persoas interesadas terán un prazo de dez días hábiles, que se contarán desde o día seguinte ao da publicación desta resolución no Diario Oficial de Galicia, para formular as reclamacións que consideren oportunas e emendar os defectos da exclusión provisional.

https://www.xunta.gal/dog/Publicados/2026/20260914/AnuncioG0759-070926-0002_gl.html

Acción social 2026: Data de publicación no DOG.

laura.lopez.lopez — Tue, 08 Sep 26 08:36:00 CEST

Acción SocialGalicia - Administración de Justicia Image

Segundo a Dirección Xeral de Xustiza, a publicación da "Resolución do 04 de setembro de 2026 da Dirección Xeral de Xustiza, pola que se aproban as listaxes provisionais das solicitudes admitidas e excluídas correspondentes ás axudas do fondo de acción social do ano 2026 para o persoal ao servizo da administración de xustiza con destino na comunidade autónoma de Galicia" está prevista para o 14/09/2026.

Resumo da mesa de acción social 2026.

laura.lopez.lopez — Thu, 03 Sep 26 10:02:00 CEST

Acción SocialGalicia - Administración de Justicia Image

Na mesa de hoxe, dende a Dirección Xeral de Xustiza informouse o seguinte:

Vistas todas as solicitudes presentadas, constan 143 solicitudes que se corresponden con 166 beneficiarios (121 solicitudes simples, 21 dobres e 1 tripla).

122 solicitudes constan como provisionalmente concedidas, que se corresponden con 142 beneficiarios.
19 solicitudes constan como provisionalmente denegadas, que se corresponden con 20 beneficiarios.
2 solicitudes dobres constan parcialmente admitidas, que se corresponden con 2 beneficiarios, e parcialmente denegadas, que se corresponden con 2 beneficiarios.

En breve, en setembro, a resolución vaise publicar no DOG. Unha vez publicada, haberá un prazo de alegacións de 10 días hábiles.

A información detallada poderáse consultar a través da OPAX pola persoa interesada.

Dende CSIF denunciamos os recortes existentes e pedimos que se volva a ter unha verdadeira acción social.

Convocatoria Comisión de Acción Social.

laura.lopez.lopez — Thu, 27 Aug 26 10:50:00 CEST

Acción SocialGalicia - Administración de Justicia Image

A Dirección Xeral de Xustiza convoca a comisión de acción social, na data e hora que se indica:

Data: 03/09/2026

Hora: 09:00h.

ORDE DO DÍA:

1. Aprobación, se procede, da acta da reunión anterior.

2. Listaxes definitivas das solicitudes admitidas e excluídas correspondentes ás axudas do fondo de acción social do ano 2026.

Acción social: Convocatoria e criterios de reparto.

laura.lopez.lopez — Mon, 18 May 26 07:49:00 CEST

Acción SocialGalicia - Administración de Justicia Image

Publicada no DOG a RESOLUCIÓN do 29 de abril de 2026, da Dirección Xeral de Xustiza, pola que se dá publicidade á convocatoria e aos criterios de repartición do fondo de Acción Social do ano 2026 para o persoal ao servizo da Administración de xustiza con destino na Comunidade Autónoma de Galicia.

Poderán solicitar as axudas o persoal funcionario de carreira e persoal interino dos seguintes corpos ao servizo da Administración de xustiza: médicos forenses, xestión procesual e administrativa, tramitación procesual e administrativa e auxilio xudicial.

O persoal referido no parágrafo anterior deberá estar, no prazo de presentación das solicitudes, en situación de servizo activo ou de excedencia por coidado de fillos/as ou de excedencia por coidado de familiares e ter destino nesta comunidade autónoma, así como reunir os restantes requisitos esixidos polo presente programa de atención de persoas con discapacidade do fondo de Acción Social.

Tamén poden solicitar a axuda aquelas persoas que prestasen servizos como persoal funcionario interino da Administración de xustiza nesta comunidade autónoma durante o período comprendido entre o final da acción social do ano pasado (día 3.6.2025) e a finalización do prazo de presentación de instancias desta convocatoria.O persoal funcionario de carreira da Administración de xustiza que durante o período comprendido entre o final da acción social do ano pasado (3.6.2025) e a finalización do prazo de presentación de instancias desta convocatoria prestasen servizos nesta comunidade autónoma e se xubilasen durante o devandito período.

Terán a condición de beneficiarios:

a) Os/as solicitantes con discapacidade física, psíquica ou sensorial igual ou superior ao 33% que reúnan os requisitos establecidos nos apartados anteriores.

b) Os/as solicitantes que, reunindo os requisitos establecidos nos apartados anteriores, teñan baixo a súa dependencia directa e legal, e vivindo ás súas expensas, cónxuxe, parella de feito, fillos/as, ascendientes de primeiro grao por consanguinidade ou afinidade ou persoas tuteladas por sentenza xudicial firme con discapacidade física, psíquica ou sensorial igual ou superior ao 33%

No caso de que a persoa beneficiaria teña baixo a súa dependencia directa e legal, e vivindo ás súas expensas, a máis dunha persoa que cumpra os requisitos anteriores, percibirá a axuda para cada unha.

No caso de que dúas persoas teñan a condición de beneficiarios/as respecto do mesmo causante, só unha delas terá dereito á axuda.

A percepción das axudas deste fondo de acción social é incompatible coa percepción doutras axudas de natureza similar concedidas pola Xunta de Galicia ou calquera outra Administración ou organismo oficial ou empresa privada.

O prazo de presentación de solicitudes será de quince (15) días hábiles contados a partir do día seguinte ao da publicación desta convocatoria no Diario Oficial de Galicia.

https://www.xunta.gal/dog/Publicados/2026/20260518/AnuncioG0759-060526-0002_es.html