Galicia - Educación

Axuda do Fondo de Acción Social 2025 para atención de persoas con discapacidade

antonio.ventura.paz — Wed, 15 Apr 26 17:36:00 CEST

Acción SocialAcción Social Administraciones PúblicasGalicia - Educación Image

Publícouse no DOG a RESOLUCIÓN do 7 de abril de 2026, da Dirección Xeral de Emprego Público e Administración de Persoal, pola que se ordena a publicación do acordo do Consello da Xunta de Galicia polo que se autorizan os criterios de repartición e a convocatoria do Fondo de Acción Social para o exercicio económico do ano 2025 relativos á axuda para a atención de persoas con discapacidade.

📅 Prazo de solicitude ata o 29 de abril: 10 días hábiles desde o día seguinte á publicación no DOG (15 de abril de 2026).

Quen pode solicitala

Persoal funcionario, incluído o persoal docente.
Profesorado de relixión.
Persoal que prestase servizos en 2025 e estea en activo durante o prazo de solicitude.

Requisitos principais

Convivencia coa persoa causante (fillos/as, cónxuxe, ascendentes, etc.).
Discapacidade:
- ≥ 75 %, ou
- ≥ 33 % con límites de ingresos.

Contía da axuda

2.160 € por persoa causante (con posibles axustes segundo casos).

Documentación básica

DNI/NIE da persoa causante.
Certificado de discapacidade.
Empadroamento (convivencia).
Documentación económica se procede.
Certificado do centro educativo no caso do persoal docente.

Como presentar a solicitude

Solicitude electrónica.
Procedemento: PR004A.
Indicar: Fondo de Acción Social 2025.

A ter en conta

Incompatible con outras axudas similares.
Só unha persoa pode solicitala por cada causante.
Datos incorrectos poden supoñer exclusión e devolución da axuda.

Acceder ao DOG

Fondo de acción social 2024

maria-belen.gonzalez.otero — Fri, 25 Apr 25 00:28:00 CEST

RESOLUCIÓN do 15 de abril de 2025, da Dirección Xeral de Emprego Público de Administración de Persoal, pola que se ordena a publicación do Acordo do Consello da Xunta de Galicia polo que se autorizan os criterios de repartición e convocatoria do Fondo de Acción Social para o exercicio económico do ano 2024 relativos á axuda para a atención de persoas con discapacidade

A solicitude será única, con independencia do número de persoas causantes con discapacidade polas que se solicita a axuda, e xerarase de forma telemática desde internet: https://www.xunta.es/dxfp/fas.htm. Presentarase dentro do prazo dos dez días hábiles seguintes ao da publicación desta convocatoria no Diario Oficial de Galicia no rexistro ou de forma dixital a través da sede electrónica da Xunta de Galicia (https://sede.xunta.gal/portada) mediante trámite de solicitude xenérica, a través do servizo PR004A Presentación electrónica de solicitudes, escritos e comunicacións que non conten cun sistema electrónico específico nin cun modelo electrónico normalizado, e dirixiranse á Consellería de Facenda e Administración Pública, Dirección Xeral de Emprego Público e Administración de Persoal. No obxecto do asunto indicarase: convocatoria do Fondo de Acción Social do ano 2024. Xunto coa solicitude achegaranse tamén as copias auténticas dos documentos que se exixen e das certificacións que xustifiquen os feitos que se aleguen.

Poden solicitalo:

Persoal funcionario, incluído o persoal docente
Persoal laboral do V Convenio colectivo único para o persoal laboral da Xunta de Galicia en determinadas situacións
Profesorado de relixión

O prazo de presentación abranguerá dende o luns día 28 de abril ata o luns días 12 de maio de 2025

Resolución DEFINITIVA Fondo de Acción Social para o exercicio 2023

maria-belen.gonzalez.otero — Mon, 21 Oct 24 10:59:00 CEST

RESOLUCIÓN do 11 de outubro de 2024, da Dirección Xeral de Emprego Público e Administración de Persoal, pola que se anuncia a exposición das listaxes definitivas de axudas aprobadas e denegadas dos criterios de repartición do Fondo de Acción Social do exercicio económico 2023, relativos á axuda para a atención de persoas con discapacidade.

Prazo para reclamacións ata o 21 de novembro de 2024

ACCESO AO DOG (21/10/204)

ACCESO Á APLICACIÓN DE CONSULTA

Fondo de Acción Social para o ano 2022: listaxes definitivas de axudas aprobadas e denegadas

admin — Thu, 05 Oct 23 22:07:07 CEST

Acción SocialAcción Social Administraciones PúblicasGalicia - Educación Image

Contra a resolución definitiva dos expedientes os/as interesados/as poderán presentar recurso de alzada perante o conselleiro de Facenda e Administración Pública no prazo dun mes contado desde o día seguinte ao da publicación desta resolución no Diario Oficial de Galicia, en calquera dos rexistros públicos, oficinas de Correos e demais lugares establecidos no artigo 16.4 da devandita Lei 39/2015, do 1 de outubro, do procedemento administrativo común das administracións públicas.

Os recursos deberán dirixirse á Dirección Xeral da Función Pública da Consellería de Facenda e Administración Pública, no Edificio Administrativo San Caetano, número 1, 2º andar, 15770 Santiago de Compostela.