Galicia - Administración de Justicia

Escrito conxunto de SPJ-USO, STAJ, UGT, CSIF e CCOO sobre a convocatoria de mesas de negociación.

laura.lopez.lopez — Thu, 05 Nov 26 12:03:00 CET

CSIF Informa

Os sindicatos SPJ-USO, STAJ, UGT, CSIF e CCOO levamos meses demandando unha negociación real ante os problemas laborais que a diario ten que afrontar todo o persoal de Xustiza en Galiza. Como consecuencia, presentamos un escrito conxunto semanas atrás a fin de que se nos convocara a unha mesa sectorial que leva sen celebrarse case medio ano.

No día de onte, recibimos por fin unha comunicación sinalando datas tanto para o CSSL como para a mesa sectorial. Porén, non consideramos de recibo que despois de tantos meses se celebren dúas reunións con tanto contido e calado no mesmo día. Iso obrigaría a reducir enormemente o tempo de debate, abocándonos a unha negociación “de paripé” que as cinco organizacións non podemos aceptar. Amosaría claramente que a Administración se toma estas reunións como mero un trámite para poder dicir que houbo negociación sindical, cando obviamente sen un tempo mínimo de exposición e debate non pode habela. Pero e que, a maior abundamento, a propia DX está recoñecendo o que estamos afirmando. No correo remitido indica explícitamente que “Dado o tempo limitado non será posible que cada organización sindical lea documentos relacionados coas necesidades que non sexan remitidos con anterioridade á Dirección xera”l. Simplemente inaceptable. A DX está confundindo un trámite de audiencia cunha negociación sindical real e efectiva, o que conculca os principios e dereitos recollidos na LOLS. Polo tanto, as CINCO ORGANIZACIÓNS PEDIMOS QUE SE CELEBRE A MESA SECTORIAL O DÍA DEZ E SE POSPOÑA A DO CSSL PARA O DÍA DOCE XOVES OU VENRES TRECE.

Por outra banda, pero non menos importante, vemos que nos puntos da orde do día non se inclúe un punto do máis relevante e fundamental para todo o persoal de Xustiza: O TELETRABALLO. O PROPIO DIRECTOR XERAL NA MESA SECTORIAL CELEBRADA XA NO LONXANO MES DE FEBREIRO, AFIRMOU DIANTE DE TODAS AS ORGANIZACIÓNS QUE XA TIÑAN O BORRADOR DO TELEBRABALLO E QUE O FARÍA CHEGAR NUNS DIAS. Pois ben, nin en días nin en meses, e, a este paso, nin en anos. Por tanto, esiximos que cumpra a súa palabra, e, en consecuencia, admita a petición da maioría sindical de incluir a negociación do teletraballo na orde do día da próxima mesa sectorial.

Convocatoria Comité de Seguridade e Saúde e Mesa Sectorial para o día 10 de novembro.

laura.lopez.lopez — Wed, 04 Nov 26 15:43:00 CET

CSIF InformaGalicia - Administración de Justicia Image

A Dirección Xeral de Xustiza remite a convocatoria do Comité de Seguridade e Saúde e da Mesa sectorial de xustiza para o próximo martes 10 de novembro ás 09:15 h na sala Colmeiro da EGAP.

COMITÉ DE SEGURIDADE E SAÚDE (09:15 H-11:00 H)

Orde do día:

1. Información sobre GAS RADÓN. Asistirá como convidado D. Alberto Ruano Raviña (Catedrático de Medicina Preventiva e Saúde Pública e Director do Laboratorio de Radón de Galicia)

2. Avaliación sobre a necesidade da realización de estudos psicosociais: TI de PONTEAREAS e TI de Vilagarcía de Arousa.

3. Información sobre actuacións e obras. Nos próximos días remitirase a información de detalle das obras.

4. Rogos e Preguntas.

MESA SECTORIAL DE XUSTIZA (11:00 H)

Orde do día:

1. Orzamentos 2027. Información sobre a creación de novas prazas de persoal ao servizo da Administración de xustiza en Galicia. Modificación das RPT.

2. Implantación do sistema procesual ATENEA.

3. Convocatoria EXTRAORDINARIA traxectoria profesional.

4. Calendario laboral 2027.

5. Acordo sobre actuacións conxuntas a adoptar na Administración de Xustiza por activación de protocolos de calquera tipo de acoso laboral estando afectada máis dunha Administración Pública.

6. Proposta de ampliación do periodo para gozar das vacacións e dos asuntos particulares 2026.

7. Información sobre a comarcalización das seccións de VSM de Vigo, Pontevedra e Lugo, datas e medidas de persal e medios materiais.

8. Gardas 24 h no IMELGA.

9. Rogos e preguntas.

Información proceso implantación Atenea.

laura.lopez.lopez — Tue, 03 Nov 26 15:47:00 CET

CSIF InformaGalicia - Administración de Justicia Image

A Dirección Xeral de Xustiza comunícanos o seguinte:

"Dende a Dirección Xeral de Xustiza infórmase que xa está publicado na Intranet de Xustiza un apartado dedicado ao proceso de implantación de Atenea (https://intranet.xustiza.gal/atenea), onde o persoal afectado poderá consultar os seguintes datos:

As localidades e datas nas que se está a implantar de xeito progresivo Atenea, segundo calendario publicado.
Información das distintas sesións online programadas e organizadas por perfís, diferenciando, para os caso dos corpos xerais, entre as funcións de rexistro e repartición e as de tramitación e execución. Esta capacitación está dispoñible na Plataforma de Capacitación de Xustiza Dixital da Intranet de Xustiza (https://formacion-xustiza.xunta.gal). Inclúe: a reserva de praza e acceso as sesións de capacitación on-line organizadas por perfís; reserva de praza e acceso ás sesións programadas de dúbidas; os manuais dispoñibles; gravacións de sesións de formación; e foro de consultas.

Aínda que sexa recomendado a participación nas distintas sesión de capacitación segundo as datas de activación de Atenea nas distintas localidades, o persoal funcionario poderá solicitar a súa participación en calquera das sesións programadas que sexan do seu interese.

Tal como se explica na información indicada, o proceso de implantación está suxeito a uns prazos improrrogables:

1 de xaneiro de 2027: Activarase o contador único por sección, polo que Atenea será único sistema de xestión procesual operativo nos órganos xudiciais. Non se poderá tramitar en Minerva.

Do 1 de xaneiro ao 28 de febreiro de 2027: Realizarase a implantación de Atenea nos SCACE e nas Fiscalías de menores.

O 28 de febreiro do 2027: Apagado definitivo de Minerva

Logo da finalización do actual proceso de activación de Atenea, informarase das posteriores actividades de reforzo que se establezan."

T.I. de Santiago: CSIF solicita reforzo de cadro de persoal ou ampliación de xornada do persoal da área civil, social e contencioso-administrativa

laura.lopez.lopez — Tue, 03 Nov 26 15:35:00 CET

CSIF InformaGalicia - Administración de Justicia Image

Dado que o persoal do Servizo Común de Tramitación (áreas civil, social e contencioso-administrativa) do T.I. de Santiago soporta unha sobrecarga acumulada que o cadro de persoal actual non pode absorber en xornada ordinaria, dende CSIF solicitamos á DXX:

-Que se acorde, con carácter urxente, o reforzo do Servizo Común con dous funcionarios, con prioridade á área social, mediante fórmula de reforzo.

-Que, mentres se fai efectivo ese reforzo, se autorice a ampliación de xornada voluntaria do persoal do Servizo Común, coa compensación económica ou en descanso que corresponda.

ATENEA: CSIF solicita a ampliación da formacion on line e que haxa formación presencial

laura.lopez.lopez — Tue, 03 Nov 26 13:18:00 CET

CSIF InformaGalicia - Administración de Justicia Image

Dende CSIF solicitamos á Dirección Xeral de Xustiza que se amplíen as sesións de formación en liña de Atenea a todos os días laborables, de luns a venres, atendendo de forma prioritaria ás necesidades dos órganos de menor tamaño dado que se imparten actualmente só en determinados días da semana. Nos órganos xudiciais pequenos, con cadros de persoal reducidos, resulta moi difícil que o persoal poida ausentarse en datas fixas sen afectar ao servizo, o que limita a súa asistencia real e atrasa a formación, especialmente do persoal de novo ingreso ou interino.

Pedimos tamén, unha vez máis, formación presencial sobre Atenea, impartida durante varias semanas seguidas, en grupos reducidos e con quendas que faciliten a asistencia do persoal.

Ademais, solicitamos que se informe ás organizacións sindicais e ao persoal das datas, sedes e prazas dispoñibles con antelación suficiente.

Semanas grandes Ourense 2027.

laura.lopez.lopez — Mon, 02 Nov 26 12:33:00 CET

CSIF InformaGalicia - Administración de Justicia Image

Dende a Delegación de Ourense remítennos as semanas grandes desta provincia:

Teletraballo: CSIF solicita convocatoria de Mesa de Sectorial preceptiva, por incumprimento do prazo regulado normativamente e, por tanto, inactividade da Administración.

laura.lopez.lopez — Fri, 30 Oct 26 13:05:00 CET

CSIF InformaGalicia - Administración de Justicia Image

Desde CSIF Xustiza instamos a convocatoria de Mesa de Sectorial preceptiva, por incumprimento de prazo regulado normativamente e, por tanto, inactividade da Administración, en orde a desenvolver o réxime de teletraballo na Administración de Xustiza en Galicia,

O art. 29.1 da Lei 29/1998, do 13 de xullo, reguladora da Xurisdición Contencioso-Administrativa dispón: “ 1. Cando a Administración, en virtude dunha disposición xeral que non precise de actos de aplicación ou en virtude dun acto, contrato ou convenio administrativo, estea obrigada a realizar unha prestación concreta en favor dunha ou varias persoas determinadas, quen tivese dereito a ela poden reclamar da Administración o cumprimento da devandita obrigación. Se no prazo de tres meses desde a data da reclamación, a Administración non dese cumprimento ao solicitado ou non chegase a un acordo cos interesados, estes poden deducir recurso contencioso-administrativo contra a inactividade da Administración”

Esta petición fundaméntase no cumprimento do disposto na DISPOSICIÓN FINAL SEXTA do RD Lei 6/2023, do 19 de decembro polo que se aproban medidas urxentes para a execución do Plan de Recuperación, Transformación e Resiliencia en materia de servizo público de xustiza, función pública, réxime local e mecenado, no que se establece que: “Tras a entrada en vigor do libro primeiro deste real decreto-lei, no prazo de doce meses, previa negociación colectiva, regularase o teletraballo e o posto de traballo deslocalizado como modalidades de prestación de servizos a distancia no ámbito da Administración de Xustiza. O desenvolvemento regulamentario da devandita modalidade de traballo efectuarase polas administracións competentes en materia de medios privados e materiais”.

Véndonos obrigados a instar pola vía do art. 29 da LJCA en tanto que a Administración, estando obrigada á convocatoria da Mesa de Negociación – conforme a DF 6ª citada e así "anunciado“ na pasada mesa Sectorial do 3 de febreiro - fixo caso omiso a dúas peticións cursadas por esta mesma representación sindical nos meses de marzo e abril do presente ano 2026 apelando á convocatoria urxente da Mesa de Negociación para o desenvolvemento do réxime de teletraballo.

Calendario laboral 2027: Festivos locais.

laura.lopez.lopez — Mon, 26 Oct 26 08:14:00 CET

CSIF InformaGalicia - Administración de Justicia Image

Publicada no DOG a RESOLUCIÓN do 15 de outubro de 2026, da Secretaría Xeral de Emprego e Relacións Laborais, pola que se lles dá publicidade ás festas laborais de carácter local para o ano 2027, correspondentes aos concellos das catro provincias da Comunidade Autónoma de Galicia.

https://www.xunta.gal/dog/Publicados/2026/20261026/AnuncioG0767-161026-0001_gl.html

Comunicación da Dirección Xeral de Xustiza sobre a convocatoria de Mesa Sectorial e do Comité de Seguridade e Saúde.

laura.lopez.lopez — Fri, 23 Oct 26 14:48:00 CEST

CSIF InformaGalicia - Administración de Justicia Image

Por fin, despois de peticións e reiteracións deste sindicato pedindo a convocatoria das distintas mesas, a Dirección Xeral de Xustiza dignouse a mandarnos un correo dicindo que está previsto convocar proximamente tanto o Comité de seguridade e saúde como a Mesa sectorial de xustiza pero que hai problemas de dispoñibilidade de espazos.

Esperamos que isto se cumpla e nos convoquen á maior brevidade.