Galicia - Educación

INTERINOS E SUBSTITUTOS: admitido a trámite o recurso de CSIF para reclamar o cobramento do verán con 165 días de nomeamento

antonio.ventura.paz — Wed, 07 Oct 26 23:41:00 CEST

EmpleoRetribucionesGalicia - Educación Image

PROFESORADO INTERINO E SUBSTITUTO

Admitido a trámite o recurso de CSIF para reclamar o cobramento do verán con 165 días de nomeamento

A Sección Primeira da Sala do Contencioso-Administrativo do Tribunal Superior de Xustiza de Galicia (TSXG) admitiu a trámite o recurso presentado por CSIF fronte á inactividade da Consellería de Educación respecto da reclamación das retribucións de xullo e agosto e do recoñecemento da experiencia dese período para o profesorado interino e substituto que acredite polo menos 165 días de nomeamento durante o curso escolar.

O decreto de admisión está datado o 1 de outubro de 2026 e foi notificado o 2 de outubro. O recurso tramítase como procedemento ordinario 241/2026.

Información destacada

A quen se refire? Ao profesorado interino e substituto con polo menos 165 días de nomeamento durante o curso escolar.
Que reclama CSIF? As retribucións de xullo e agosto e o recoñecemento administrativo da experiencia dese período.
En que fase está? O recurso foi admitido a trámite e continúa o procedemento xudicial.
Aínda non hai unha sentenza que recoñeza o dereito ao cobramento.

Que reclama CSIF?

CSIF solicita o recoñecemento e a execución do punto décimo oitavo do acordo recollido na Resolución do 28 de xuño de 2017, da Dirección Xeral de Centros e Recursos Humanos, sobre as condicións de traballo do persoal docente interino e substituto.

Segundo o obxecto do recurso descrito no decreto, a reclamación pretende que o profesorado que acredite polo menos 165 días de nomeamento durante o curso escolar:

Perciba as retribucións correspondentes aos meses de xullo e agosto.
Obteña o recoñecemento administrativo da experiencia acumulada durante ese período.

A reclamación inclúe os períodos anteriores que poidan quedar comprendidos dentro dos límites de prescrición aplicables. O decreto de admisión non determina os cursos nin as cantidades que poderían recoñecerse.

Antecedentes da reclamación

10 de febreiro de 2026: presentación do escrito ante a Administración instando o recoñecemento e a execución do punto décimo oitavo do acordo.
3 de xullo de 2026: presentación do escrito de interposición do recurso contencioso-administrativo.
1 de outubro de 2026: decreto de admisión a trámite.
2 de outubro de 2026: notificación do decreto.

Que supón a admisión a trámite?

O recurso continuará pola vía do procedemento ordinario. O decreto require á Consellería que remita o expediente administrativo nun prazo improrrogable de 20 días hábiles.

Este prazo corresponde á Administración. Non é un prazo xeral para que o profesorado presente solicitudes de cobramento.

A admisión permite continuar a tramitación xudicial, pero non resolve o fondo da reclamación nin ordena o pagamento das retribucións solicitadas. O resultado e o alcance da reclamación están pendentes de resolución.

CSIF, na defensa do profesorado interino e substituto

Con este recurso, CSIF leva á vía xudicial a reclamación das retribucións do verán e do recoñecemento da experiencia docente nos termos expostos. Se consideras que a túa situación pode estar relacionada con esta reclamación, contacta con CSIF Ensino Galicia para recibir orientación individualizada.

Referencia documental: decreto do 1 de outubro de 2026, procedemento ordinario 241/2026, Sección Primeira da Sala do Contencioso-Administrativo do Tribunal Superior de Xustiza de Galicia.

CSIF insta á Consellería ao pagamento de xullo e agosto ao profesorado substituto con máis de 5 meses e medio de servizos no curso

antonio.ventura.paz — Tue, 17 Feb 26 13:06:00 CET

EmpleoRetribucionesGalicia - Educación Image

CSIF Ensino Galicia

CSIF insta á Consellería ao pagamento de xullo e agosto ao profesorado substituto con máis de 5 meses e medio de servizos no curso

CSIF Ensino vén de presentar escrito para recoñecer e aboar os meses de verán (xullo e agosto) ao profesorado substituto que acredite cando menos 165 días (5 meses e medio) de servizos efectivos durante o curso.

📌 Requisito: ≥ 165 días 📅 Meses: xullo e agosto ⚖️ Art. 29.1 LJCA 📄 Resolución 28/06/2017

Que reclamamos?

Pagamento de xullo e agosto ao persoal substituto con máis de 5 meses e medio de servizos.
Aplicación efectiva do dereito recoñecido no acordo vixente.
Recoñecemento administrativo dese período a efectos de cómputo de servizos.
Información á organización sindical das actuacións que se leven a cabo.

Fundamento normativo

A reclamación preséntase pola vía do art. 29.1 da Lei 29/1998, reguladora da Xurisdición Contencioso-Administrativa, e fundaméntase na Resolución do 28 de xuño de 2017 (DOG 11 de xullo de 2017), que regula as condicións do profesorado interino e substituto.

Recoñécese o dereito ao pagamento de xullo e agosto ao profesorado que preste servizos durante un curso cando menos cinco meses e medio.

📩 Contactar con CSIF Ensino

A CIG intenta frear nos tribunais a suba salarial do 11,4% para todos os empregados públicos de España

antonio.ventura.paz — Tue, 23 Dec 25 09:32:00 CET

EmpleoRetribucionesGalicia - Educación Image

A CIG anunciou a súa intención de recorrer ante a Audiencia Nacional o acordo salarial acadado entre o Goberno de España e os sindicatos CSIF e UGT, un pacto que garante unha suba acumulada do 11,4% ata 2028 para todos os empregados públicos do país.

Non é a primeira vez que o sindicato nacionalista, estreitamente vinculado ao BNG, emprende accións que perxudican directamente aos traballadores públicos. En 2022, a instancias da propia CIG, o Tribunal Superior de Xustiza de Galicia (TSXG) anulou a carreira profesional de todos os empregados públicos da Xunta.

Naquela ocasión, mentres o resto de sindicatos solicitaban corrixir unicamente as cláusulas que discriminaban ao persoal temporal, a CIG foi máis alá e pediu a anulación total do sistema. O TSXG acabou estimando a súa demanda, deixando sen carreira profesional a todo o persoal, temporal e fixo.

Un acordo salarial en risco pola ofensiva xudicial

O acordo asinado en novembro por CSIF e UGT contempla, entre outras medidas:

Unha paga cos atrasos de 2025 (incremento do 2,5%), a aboar entre decembro de 2025 e xaneiro de 2026.
Unha suba do 4% en xaneiro de 2026 (+0,5% adicional se o IPC supera o 1,5%).
Un aumento do 4,5% en xaneiro de 2027.
Un incremento acumulado do 11,4% en xaneiro de 2028.

Todo este avance salarial queda agora ameazado polo recurso anunciado pola CIG e o sindicato vasco ELA, que buscan a nulidade completa do acordo. De prosperar, os empregados públicos de toda España perderían as melloras retributivas pactadas.

A incoherencia sindical: CIG contra o BNG

A posición da CIG resulta aínda máis incomprensible se se ten en conta que o seu referente político, o BNG, votou no Congreso a favor da validación do Real Decreto-lei 14/2025, que precisamente recolle estas melloras salariais. Unha incoherencia que evidencia a desconexión entre o sindicalismo radical da CIG e as necesidades reais dos traballadores.

CSIF esixe responsabilidade:

Desde CSIF esiximos á CIG que desista da idea de presentar un recurso que só beneficia a quen quere recortar o público e que deixen de utilizar os tribunais como ferramenta para sabotear os logros a favor dos traballadores que eles son incapaces de conseguir nas mesas de negociación.

CSIF logra que os substitutos cobren dende os primeiros días de setembro

antonio.ventura.paz — Tue, 30 Sep 25 00:34:00 CEST

EmpleoRetribucionesGalicia - Educación Image

Hai aproximadamente un ano, grazas á presión exercida por CSIF Ensino nas últimas reunións para tratar o Acordo de Interinos, a Consellería de Educación recoñeceu que o profesorado substituto contratado nos primeiros días de setembro tiña dereito a percibir os seus salarios dende esa mesma data ao igual que os interinos que comezaron a súa vinculación o 1 de setembro.

Durante semanas, CSIF Ensino insistiu na necesidade de regularizar unha situación que xeraba desigualdade entre o persoal docente. Finalmente, a Administración aceptou a reivindicación, o que supuxo un avance fundamental na defensa dos dereitos do profesorado substituto. Hoxe, este recoñecemento está a aplicarse, garantindo unha maior xustiza e igualdade nas condicións laborais do colectivo.

CSIF Ensino seguirá vixiando para que se cumpra plenamente e para continuar avanzando en melloras que dignifiquen o traballo docente.

Actualización de las retribuciones con la subida del 0,5% de octubre de 2023.

admin — Mon, 23 Oct 23 14:13:00 CEST

EmpleoRetribucionesNegociaciones y acuerdosNormativaLeyes y Decretos LeyOtra normativaPuesto de Trabajo y Categoría ProfesionalFuncionarioInterinoGalicia - Educación Image

ACTUALIZACIÓN DE LAS RETRIBUCIONES CON LA SUBIDA DEL 0,5 DE OCTUBRE DE 2023.

EL PROFESORADO SIGUE PERDIENDO PODER ADQUISITIVO. DATO CONTRA RELATO. TÚ ELIGES.

RETRIBUCIONES DOCENTES 2023

NOTA: Recuerde que tiene que tener habilitadas las ventanas emergentes para ver las retribuciones de cada CC.AA.

Calcula lo que pierdes en el 2022 con el acuerdo firmado por CC.OO. y UGT con el Gobierno

admin — Fri, 25 Nov 22 10:36:56 CET

EmpleoRetribucionesNegociaciones y acuerdosNormativaLeyes y Decretos LeyPuesto de Trabajo y Categoría ProfesionalFuncionarioInterinoPersonal de UniversidadLaboralGalicia - Educación Image

Descarga el Excel, habilita la edición e introduce los datos.

Incluye la cantidad, presiona enter y obtendrás la información que buscas.

Para CSIF se ha perdido una gran oportunidad de llegar a un acuerdo que lograse que las empleadas y empleados públicos no perdieran poder adquisitivo y que mejorasen las condiciones laborales.

Concentración frente al Ministerio de Educación y FP - Manifiesto de la Labor Docente

admin — Fri, 21 Oct 22 08:43:13 CEST

Apoyo a la concentración en el MEFP del 19 de octubre de 2022 #AsíNoPodemosContinuar

admin — Wed, 05 Oct 22 08:26:30 CEST

Sentencia ganada por CSIF para personal laboral en el exterior

admin — Tue, 17 May 22 09:03:31 CEST