Galicia - Educación

CSIF solicita ao Ministerio a creación do corpo de mestres sénior e o desenvolvemento da carreira profesional docente

antonio.ventura.paz — Sat, 24 Oct 26 11:40:00 CEST

Concursos y movilidadCátedrasPuesto de Trabajo y Categoría ProfesionalMaestros

CSIF reclama a creación do corpo de mestres sénior

CSIF presentou o 21 de outubro de 2026 un escrito ante o Ministerio de Educación, FP e Deportes para impulsar a promoción profesional e retributiva do corpo de mestres sen abandonar o seu posto.

Que propón CSIF?

Crear o corpo de mestres sénior.
Acceder por concurso de méritos con seis anos como persoal funcionario de carreira, sen prácticas nin límite máximo de efectivos.
Manter o posto e participar nas mesmas vacantes do corpo de mestres.
Recoñecer preferentemente funcións de coordinación, titorización e innovación.

Promoción aos corpos de catedráticos

CSIF pide reducir de oito a seis anos a antigüidade mínima e transformar o actual límite máximo do 30 % nun mínimo garantido do 30 %.

O sindicato reclama negociar ambas as propostas e abordalas coas comunidades autónomas na Conferencia Sectorial de Educación.

Consultar o escrito rexistrado Información de CSIF nacional

Concurso Xeral de Traslados 2026/27: publicadas as normas do concurso de ámbito estatal

antonio.ventura.paz — Tue, 06 Oct 26 17:45:00 CEST

Concursos y movilidadOtros Concursos y MovilidadGalicia - Educación Image

Concurso Xeral de Traslados 2026/27

Publicadas as normas do concurso de ámbito estatal

📌 Información destacada

O BOE do 6 de outubro de 2026 publica a orde que establece as normas procedementais que rexerán o Concurso Xeral de Traslados de ámbito estatal 2026/27 para o persoal funcionario docente.

📅 Prazo de solicitudes: do 5 ao 26 de novembro de 2026

⏳ Pendente: publicación da convocatoria correspondente á Comunidade Autónoma de Galicia.

O Ministerio de Educación, Formación Profesional e Deportes publicou a Orde EFD/1041/2026, do 30 de setembro, pola que se establecen as normas procedementais aplicables aos concursos de traslados de ámbito estatal que se convocarán durante o curso 2026/27.

Estamos ante o novo Concurso Xeral de Traslados de ámbito estatal, que se celebra con carácter bienal e permite a mobilidade do persoal funcionario docente entre as distintas administracións educativas, sempre que se cumpran os requisitos establecidos.

⚠️ Que se publicou exactamente?

A publicación no BOE non é aínda a convocatoria específica de Galicia. O Ministerio establece agora as normas comúns que deberán respectar as convocatorias do concurso estatal 2026/27.

A Consellería de Educación deberá publicar a convocatoria correspondente a Galicia, na que se concretarán o procedemento de participación e os aspectos específicos que afecten ao profesorado galego.

📅 Prazo de presentación de solicitudes

A orde xa fixa un prazo común para os concursos de traslados de ámbito estatal do curso 2026/27:

Do 5 ao 26 de novembro de 2026
ambos os días incluídos

Polo tanto, o prazo aínda non está aberto. A participación comezará o vindeiro 5 de novembro.

🗺️ Que significa que o concurso sexa de ámbito estatal?

O carácter estatal permite que o persoal funcionario docente poida participar na provisión de prazas doutras administracións educativas, sempre que cumpra os requisitos xerais e específicos establecidos para os postos solicitados.

A participación articúlase a través das convocatorias que realiza cada Administración educativa. No caso do profesorado dependente da Xunta, haberá que atender á convocatoria que publique a Consellería de Educación para Galicia.

👩‍🏫 Participación

Poderá participar o persoal funcionario docente, con independencia da Administración educativa da que dependa ou pola que ingresase, sempre que reúna os requisitos xerais e específicos establecidos nas convocatorias.

As persoas participantes deberán presentar unha única solicitude por cada corpo polo que participen, aínda que concursen por máis dunha especialidade.

A orde tamén contempla a participación do persoal funcionario en prácticas, que se axustará ao establecido na normativa estatal e ao que determine cada convocatoria.

🏫 Corpos docentes afectados

A orde abrangue os corpos docentes contemplados na LOE, entre eles:

Corpo de Mestres.
Catedráticos e Profesores de Ensino Secundario.
Catedráticos e Profesores de Escolas Oficiais de Idiomas.
Catedráticos e Profesores de Música e Artes Escénicas.
Catedráticos e Profesores de Artes Plásticas e Deseño.
Profesores Especialistas en Sectores Singulares de Formación Profesional.
Corpo, a extinguir, de Profesores Técnicos de Formación Profesional.
Mestres de Taller de Artes Plásticas e Deseño.
Corpos de Inspección Educativa.

A orde tamén regula a participación conxunta de determinados corpos e especialidades de Formación Profesional.

📊 Baremo de méritos

A orde establece tamén o baremo común de méritos que se utilizará para a adxudicación dos destinos.

Anexo III: baremo para os corpos de persoal funcionario docente que imparten docencia.
Anexo IV: baremo para os corpos de Inspección Educativa.

Entre os méritos que se valoran figuran a antigüidade, os méritos académicos, o desempeño de cargos e funcións, a formación e outros méritos establecidos no baremo.

📋 Vacantes

Cada Administración educativa deberá determinar as vacantes dos centros e postos correspondentes ao seu ámbito de xestión.

Vacantes provisionais: deberán determinarse antes da resolución da adxudicación provisional.
Vacantes definitivas: antes da resolución da adxudicación definitiva.

✅ Resolución e toma de posesión

A data de efectos da resolución destes concursos será o 1 de setembro de 2027.

Os destinos obtidos na resolución definitiva serán irrenunciables.

Se unha persoa participa simultaneamente por distintos corpos e obtén destino en máis dun, deberá optar por un deles no prazo de 10 días naturais desde a publicación da resolución definitiva.

🔎 E agora que?

O seguinte paso será a publicación das convocatorias das diferentes administracións educativas.

Desde CSIF Ensino Galicia informaremos en canto se publique a convocatoria da Consellería de Educación para Galicia, co procedemento de participación, documentación, vacantes e demais información de interese para o profesorado galego.

📄 Consultar a Orde EFD/1041/2026 no BOE

CSIF Ensino Galicia continuará informando de todas as novidades do Concurso Xeral de Traslados 2026/27.

Publicadas as permutas provisionais para o curso 26/27

antonio.ventura.paz — Fri, 18 Sep 26 13:15:00 CEST

Concursos y movilidadPermutasGalicia - Educación Image

CSIF Ensino Galicia

Publicadas as permutas provisionais do persoal docente para o curso 2026/2027

Información destacada

A Consellería de Educación fixo pública a relación provisional de permutas de prazas do persoal docente que imparte ensinanzas en centros dependentes da Consellería para o curso académico 2026/2027.

A publicación inclúe relacións diferenciadas para o Servizo de Primaria e para o Servizo de Secundaria.

Desde CSIF Ensino Galicia recomendamos ás persoas que solicitaron unha permuta que comproben os seus datos e o destino que figura na relación provisional publicada pola Administración.

Consulta das permutas provisionais

Corpo de Mestres · Servizo de Primaria

Consulta a relación provisional de permutas correspondente ao persoal xestionado polo Servizo de Profesorado de Educación Infantil e Primaria.

Consultar permutas provisionais de Primaria

Secundaria, FP e ensinanzas de réxime especial

Consulta a relación provisional de permutas correspondente ao persoal xestionado polo Servizo de Profesorado de Ensinanza Secundaria, Formación Profesional e Réxime Especial.

Consultar permutas provisionais de Secundaria

Importante

Trátase dunha relación provisional. As persoas participantes deben revisar detidamente os datos publicados e permanecer atentas ás seguintes publicacións relacionadas co procedemento.

Normativa e información oficial

Consultar normativa e publicación oficial

A Consellería inclúe na publicación a normativa reguladora das permutas provisionais de prazas, así como as súas modificacións.

Ver publicación oficial da Consellería Consultar convocatoria das permutas

CSIF Ensino Galicia
Por ti, contigo no ensino

Publicada no DOG a adxudicación definitiva de destinos provisionais

antonio.ventura.paz — Thu, 20 Aug 26 16:31:00 CEST

Concursos y movilidadDestinos provisionalesGalicia - Educación Image

CADP · Curso 2026/27

Publicada no DOG a adxudicación definitiva de destinos provisionais

O Diario Oficial de Galicia publica a resolución da adxudicación definitiva do CADP para o curso 2026/27.

Publícase no Diario Oficial de Galicia (DOG) a resolución pola que se adxudican definitivamente os destinos provisionais para o curso académico 2026/27 entre o persoal docente dos distintos corpos.

📄

Resolución definitiva

A adxudicación definitiva dos destinos provisionais queda publicada oficialmente no DOG.

🏫

Curso 2026/27

Os destinos adxudicados corresponden ao próximo curso académico 2026/27.

⚖️

Recursos

A resolución pon fin á vía administrativa e establece os correspondentes prazos de recurso.

📌 Consulta a publicación oficial

Podes consultar a resolución completa e a adxudicación definitiva publicada no Diario Oficial de Galicia.

📄 Consultar resolución no DOG

🏫 Toma de posesión e incorporación

O persoal adxudicatario deberá realizar a toma de posesión no centro educativo de destino conforme ás instrucións establecidas pola Consellería e á normativa reguladora do CADP.

Recoméndase revisar as instrucións de toma de posesión correspondentes ao curso 2026/27.

⚖️ Recursos contra a resolución

Contra a resolución, que pon fin á vía administrativa, poderase interpoñer:

Recurso potestativo de reposición: no prazo dun mes, mediante o trámite electrónico habilitado no procedemento ED002B.
Recurso contencioso-administrativo: no prazo de dous meses contados desde o día seguinte ao da publicación no DOG, ante o órgano xudicial competente.

📢 Importante

Se participaches no CADP, revisa a túa adxudicación definitiva e presta especial atención ás instrucións de toma de posesión e incorporación ao centro.

CSIF Ensino Galicia
Por ti, contigo no ensino.

ABERTO PRAZO DE PERMUTAS 26/27

antonio.ventura.paz — Mon, 03 Aug 26 17:17:00 CEST

Concursos y movilidadPermutasGalicia - Educación Image

Aberto o prazo para solicitar intercambios provisionais de prazas docentes no curso 2026/27

A Consellería de Educación abriu o prazo de presentación de solicitudes para participar no procedemento de intercambios provisionais de prazas do persoal docente para o curso académico 2026/27.

Información destacada

✔ Procedemento de intercambios provisionais de prazas docentes.
✔ Código do procedemento: ED002A.
⏰ Primeiro prazo: do 4 ao 17 de agosto de 2026, ambos incluídos.
⏰ Segundo prazo: do 1 ao 4 de setembro de 2026, ambos incluídos.

Importante sobre o segundo prazo

Entre o 1 e o 4 de setembro de 2026 só poderán presentar unha solicitude de intercambio provisional as persoas que non participasen no primeiro prazo.

📅 Prazos de presentación

Primeiro prazo

4–17 de agosto

Ambos os dous días incluídos.

Segundo prazo

1–4 de setembro

Só para persoas que non solicitasen o intercambio no primeiro prazo.

👥 Quen pode solicitar un intercambio provisional?

Poderán solicitar o intercambio provisional de prazas dúas ou máis persoas en servizo activo que pertenzan ao persoal docente dependente da Consellería e cumpran os requisitos establecidos na normativa.

Persoal funcionario de carreira.
Persoal funcionario en prácticas.
Persoal funcionario interino.
Persoal docente laboral incluído no ámbito da convocatoria.

Requisitos xerais

Pertencer ao mesmo corpo docente.
Que as prazas correspondan á mesma especialidade.
Desempeñar a función docente no centro durante o curso para o que se solicita o intercambio.

⚠ Persoal en comisión de servizos

Non poderá concederse un intercambio provisional ao persoal funcionario docente que desempeñe o seu posto en réxime de comisión de servizos.

📝 Presentación das solicitudes

As solicitudes deberán presentarse obrigatoriamente por medios electrónicos a través da Sede electrónica da Xunta de Galicia, empregando o procedemento ED002A.

Cada unha das persoas participantes no intercambio deberá presentar a súa propia solicitude, facendo constar os datos da persoa ou persoas coas que solicita intercambiar a praza.

🔗 Acceder á Sede electrónica

A identificación e sinatura poderá realizarse mediante certificado dixital, DNI electrónico ou Chave365.

Documentación

Con carácter xeral, non é necesario presentar documentación complementaria para a tramitación deste procedemento.

📚 Normativa reguladora

📄 Orde do 17 de xuño de 2017

📄 Corrección de erros da Orde do 17 de xuño de 2017

📄 Orde do 4 de xullo de 2019

Información sobre permutas docentes

Consulta no noso apartado específico a información relacionada coas permutas e cos intercambios provisionais de prazas docentes.

🔎 Acceder ao apartado de permutas de CSIF Ensino

Recomendación

Antes de presentar a solicitude, comproba que todas as persoas participantes cumpren os requisitos, que as prazas corresponden ao mesmo corpo e especialidade e que os datos indicados nas solicitudes coinciden. Conserva sempre o xustificante electrónico de presentación.

RESOLUCIÓN DEFINITIVA CADP 26/27

antonio.ventura.paz — Mon, 03 Aug 26 17:07:00 CEST

Concursos y movilidadDestinos provisionalesGalicia - Educación Image

Publicada a resolución definitiva de adxudicación de destinos provisionais para o curso 2026/27

A Consellería de Educación publicou a resolución definitiva de adxudicación de destinos provisionais entre o persoal dos corpos docentes non universitarios para o curso académico 2026/27.

Información destacada

✔ Publicadas as adxudicacións definitivas de destinos provisionais.
✔ Consulta as listaxes de Mestres e de Secundaria e restantes corpos docentes.
✔ Esta resolución pon fin ao procedemento de adxudicación de destinos provisionais para o curso 2026/27.

Corpo de Mestres

Consulta a resolución definitiva:

📄 Adxudicación definitiva (orde de adxudicación)

📋 Adxudicación definitiva (orde alfabética)

Secundaria e restantes corpos docentes

Consulta a resolución definitiva:

📄 Adxudicación definitiva (orde de adxudicación)

📋 Adxudicación definitiva (orde alfabética)

Instrucións toma de posesión do persoal docente adxudicado (todos os corpos)

VACANTES DE RELIXIÓN CURSO 26-27

antonio.ventura.paz — Mon, 03 Aug 26 12:53:00 CEST

Concursos y movilidadDestinos provisionalesGalicia - Educación Image

Vacantes provisionais de Relixión para o curso 2026/27

Relación provisional de prazas vacantes nos centros educativos públicos de Galicia.

Desde CSIF Ensino, sindicato maioritario entre o profesorado de Relixión de Galicia, facemos pública a relación provisional de prazas vacantes para o curso escolar 2026/27.

O documento recolle a distribución das vacantes por provincias e etapas educativas: Educación Infantil, Primaria, Secundaria e Bacharelato.

Información importante

Os datos publicados teñen carácter provisional e poden sufrir algunha modificación antes do inicio do curso por parte da Consellería de Educación.

Tamén deberán descontarse desta relación as prazas que sexan adxudicadas mediante comisións de servizos.

Consulta todas as vacantes

Accede ao documento completo coa distribución de prazas por provincias, etapas, centros e concellos.

Descargar as vacantes de Relixión 2026/27

CSIF Ensino · Por ti, contigo no ensino

RESOLUCIÓN PROVISIONAL CADP 26-27

antonio.ventura.paz — Fri, 24 Jul 26 00:31:00 CEST

Concursos y movilidadDestinos provisionalesGalicia - Educación Image

Publicada a resolución provisional de adxudicación de destinos provisionais para o curso 2026/27

A Consellería de Educación publicou a resolución provisional de adxudicación de destinos provisionais entre o persoal dos corpos docentes non universitarios para o curso académico 2026/27.

Información destacada

✔ Publicadas as adxudicacións provisionais.
✔ Consulta as listaxes de Mestres e de Secundaria e restantes corpos docentes.
⏰ Prazo para formular reclamacións ou renuncias: 27 e 28 de xullo de 2026 (ambos incluídos).

Corpo de Mestres

Consulta as resolucións provisionais:

📄 Adxudicación provisional (orde de adxudicación)

📋 Adxudicación provisional (orde alfabética)

⏰ Reclamacións e renuncias

O prazo comprende desde o 27 ata o 28 de xullo de 2026, ambos incluídos.

📝 Como presentar unha reclamación

As reclamacións deberán presentarse por medios electrónicos a través da Sede electrónica da Xunta de Galicia, accedendo á carpeta cidadá da persoa interesada (procedemento ED002B).

Acceder á Sede electrónica da Xunta de Galicia mediante Chave365 ou certificado dixital.
Localizar o último expediente ED002B correspondente á solicitude e premer en Acción → Alegacións.
Cubrir o formulario, asinalo e finalizar a presentación.
Descargar o recibo electrónico de presentación.

⚠ Aviso

Se a solicitude foi recuperada de convocatorias anteriores ou non é posible realizar accións sobre o expediente, deberá empregarse a solicitude xenérica PR004A.

No campo Expón deberá indicarse:

RECLAMACIÓN CADP MESTRES

O trámite estará dispoñible a partir do luns 27 de xullo de 2026.

❌ Como presentar unha renuncia

A) Persoal interino e substituto

As renuncias realizaranse exclusivamente mediante a aplicación web do CADP.

Acceder á aplicación CADP

Identificarse mediante Chave365 ou certificado dixital.
Ir ao menú Instancias.
Indicar as instancias ás que se renuncia.
Descargar o comprobante da renuncia.
Se se renuncia a todas as especialidades será necesario indicar a causa e achegar a documentación xustificativa.

Se se renuncia a todas as listas tamén deberá remitirse a documentación a:

📧 persoal.primaria@edu.xunta.gal

B) Outros colectivos

O persoal con destino definitivo deberá presentar unha solicitude xenérica PR004 na Sede electrónica indicando no campo Expón:

RENUNCIA CADP MESTRES

No caso de participar por máis dunha modalidade e desexar renunciar a ambas, deberá presentarse unha renuncia independente para cada unha.

O trámite estará dispoñible a partir do luns 27 de xullo de 2026.

Secundaria e restantes corpos docentes

Consulta as resolucións provisionais:

📄 Adxudicación provisional (orde de adxudicación)

📋 Adxudicación provisional (orde alfabética)

⏰ Reclamacións e renuncias

O prazo comprende desde o 27 ata o 28 de xullo de 2026, ambos incluídos.

📝 Como presentar unha reclamación

As reclamacións deberán presentarse por medios electrónicos a través da Sede electrónica da Xunta de Galicia (procedemento ED002B).

Acceder á Sede electrónica mediante Chave365 ou certificado dixital.
Localizar o último expediente ED002B e premer en Acción → Alegacións.
Cubrir o formulario, asinalo e finalizar a presentación.
Descargar o recibo electrónico.

⚠ Aviso

Se non é posible actuar sobre o expediente deberá utilizarse a solicitude xenérica PR004A.

No campo Expón deberá indicarse:

RECLAMACIÓN CADP SECUNDARIA

O trámite estará dispoñible a partir do luns 27 de xullo de 2026.

❌ Como presentar unha renuncia

A) Persoal interino e substituto

As renuncias realizaranse exclusivamente mediante a aplicación web do CADP.

Acceder á aplicación CADP

Identificarse mediante Chave365 ou certificado dixital.
Ir ao menú Instancias.
Seleccionar as instancias ás que se renuncia.
Descargar o comprobante.
Se se renuncia a todas as especialidades deberá achegarse a documentación xustificativa.

Se se renuncia a todas as listas tamén deberá remitirse a documentación a:

📧 persoal.secundaria@edu.xunta.gal

B) Outros colectivos

O persoal con destino definitivo deberá presentar unha solicitude xenérica PR004 na Sede electrónica indicando no campo Expón:

RENUNCIA CADP SECUNDARIA

No caso de participar por máis dunha modalidade e desexar renunciar a ambas, deberá presentarse unha renuncia independente para cada unha.

O trámite estará dispoñible a partir do luns 27 de xullo de 2026.

Importante

Recomendamos revisar con detalle a adxudicación provisional e, no caso de detectar algún erro ou desconformidade, presentar a correspondente reclamación ou, se procede, formalizar a renuncia dentro do prazo establecido pola Consellería. Lembrade conservar sempre o recibo electrónico de presentación do trámite realizado.

Comisións de servizo por motivos de saúde: solicitudes admitidas e excluídas por causas sobrevidas

antonio.ventura.paz — Wed, 22 Jul 26 15:53:00 CEST

Concursos y movilidadComisiones de serviciosGalicia - Educación Image

Comisións de servizo por motivos de saúde: solicitudes admitidas e excluídas por causas sobrevidas

Publicadas as relacións de solicitudes admitidas e excluídas das comisións de servizo por motivos de saúde para o curso 2026/27, incluídas as presentadas por causas sobrevidas.

Información destacada

A Consellería publicou as novas relacións de solicitudes de comisión de servizos por motivos de saúde presentadas por causas sobrevidas para o curso académico 2026/27.

As persoas participantes poden comprobar o estado da súa solicitude nas listaxes correspondentes ao corpo de Mestres, aos corpos de Secundaria, Formación Profesional e ensinanzas de réxime especial ou ao persoal docente de Relixión.

📋

Que se publica?

As relacións de solicitudes admitidas e excluídas por causas sobrevidas.

👩‍🏫

A quen afecta?

Mestres, Secundaria e outros corpos docentes e persoal de Relixión.

📅

Curso académico

As comisións de servizo corresponden ao curso 2026/27.

Listaxes de solicitudes por causas sobrevidas

Consulta a relación correspondente ao teu corpo docente. As listaxes indican as solicitudes admitidas e excluídas e, cando corresponda, a causa de exclusión.

Consultar listaxe de Mestres Consultar Secundaria e outros corpos Consultar persoal de Relixión

Revisa atentamente a túa situación

Recomendamos comprobar os datos persoais, o corpo docente, a modalidade de participación e o estado da solicitude. No caso de figurar como persoa excluída, debe revisarse especialmente a causa indicada na listaxe.

Documentación do procedemento

A publicación da Consellería tamén mantén dispoñibles as resolucións e listaxes provisionais e definitivas do procedemento ordinario de comisións de servizo por motivos de saúde.

Resolución e listaxes provisionais

A resolución provisional recolle as solicitudes admitidas e excluídas e establece un prazo de cinco días hábiles para presentar alegacións mediante o trámite habilitado no procedemento ED010B.

Consultar resolución provisional Listaxe provisional de Mestres Listaxe provisional de Secundaria e outros Listaxe provisional de Relixión

Resolución e listaxes definitivas

Consulta a resolución definitiva e as relacións finais de solicitudes admitidas e excluídas do procedemento ordinario.

Consultar resolución definitiva Listaxe definitiva de Mestres Listaxe definitiva de Secundaria e outros Listaxe definitiva de Relixión

Convocatoria das comisións de servizo por motivos de saúde

A convocatoria regula a presentación das solicitudes de comisión de servizo en atención a situacións persoais especiais por motivos de saúde mediante o procedemento ED010B.

Consultar a convocatoria

CSIF Ensino informa

Desde CSIF Ensino recomendamos gardar unha copia da documentación presentada e revisar todas as publicacións relacionadas co procedemento. As persoas afiliadas poden contactar co sindicato para recibir asesoramento sobre a súa situación particular.

CSIF Ensino Galicia · Por ti, contigo no ensino