Galicia - Administración de Justicia

DOG: Probas para a obtención dos certificados de lingua galega (Celga), niveis 1, 2, 3 e 4, no ano 2026

laura.lopez.lopez — Fri, 13 Mar 26 09:02:00 CET

IdiomasGalicia - Administración de Justicia Image

Publicada no DOG a RESOLUCIÓN do 6 de marzo de 2026, da Secretaría Xeral da Lingua, pola que se convocan as probas para a obtención dos certificados de lingua galega (Celga), niveis 1, 2, 3 e 4, no ano 2026 (código de procedemento PL500C).

As probas dos distintos niveis Celga terán lugar entre a segunda quincena de maio e a primeira de xuño de 2026, sempre que ningunha circunstancia excepcional o impida.

As probas realizaranse en Santiago de Compostela, en Ponferrada e en Madrid.

As persoas que desexen inscribirse nas probas Celga deberán cubrir o formulario de solicitud, segundo o modelo PL500C que se publica como anexo I, e aboar a taxa correspondente (código 304401). No formulario de solicitude deberán indicar a proba ou as probas ás cales solicitan presentarse, así como a localidade, e dirixilo á Secretaría Xeral da Lingua.

O prazo de presentación das solicitudes, así como o de pagamento da taxa , será de quince días hábiles, que se contarán a partir do día seguinte ao da publicación desta resolución . Se o último día do prazo é inhábil, entenderase prorrogado ao primeiro día hábil seguinte.

https://www.xunta.gal/dog/Publicados/2026/20260313/AnuncioG0766-060326-0001_gl.html

EGAP: Cursos de idiomas.

laura.lopez.lopez — Wed, 11 Feb 26 09:45:00 CET

IdiomasGalicia - Administración de Justicia Image

Publicada no DOG a RESOLUCIÓN do 4 de febreiro de 2026 pola que se convocan as actividades de formación continua en materia de idiomas para o persoal ao servizo da Administración pública da Comunidade Autónoma, das entidades públicas instrumentais, da Administración institucional de Galicia, da Administración de xustiza, das entidades locais e para o persoal técnico, de xestión e de administración e servizos (PTXAS) das universidades do Sistema universitario de Galicia (SUG).

Poderá participar nas actividades formativas convocadas nesta resolución o persoal ao servizo da Administración pública da Comunidade Autónoma, das entidades públicas instrumentais do artigo 45.a) da Lei 16/2010, do 17 de decembro, de organización e funcionamiento da Administración xeral e do sector público autonómico de Galicia; da Administración institucional de Galicia; da Administración de xustiza de Galicia; das entidades locais de Galicia; e o persoal técnico, de xestión e de administración e servizos; das universidades do SUG, que se encontre en situación de servizo activo (incluído o persoal que teña concedido un permiso por motivos de conciliación da vida persoal, familiar e laboral) e que reúna os requisitos establecidos nesta convocatoria para cada un dos casos no anexo II.

O prazo de presentación de solicitudes será desde o día seguinte ao da publicación desta resolución no Diario Oficial de Galicia e ata o 18 de febreiro de 2026.

As solicitudes de participación nas actividades formativas só se poderán realizar mediante o formulario de matrícula telemática dispoñible no enderezo <https://egap.xunta.gal/matricula> desde as 9.00 horas da data de inicio do prazo de presentación de solicitudes e ata as 14.00 horas da data de finalización.

https://www.xunta.gal/dog/Publicados/2026/20260211/AnuncioO150-030226-0001_es.html

EGAP: Cursos de linguaxe administrativa e xurídica galega.

laura.lopez.lopez — Wed, 11 Feb 26 09:41:00 CET

IdiomasGalicia - Administración de Justicia Image

Publicada no DOG a RESOLUCIÓN do 10 de febreiro de 2026 pola que se convocan as actividades formativas de linguaxe administrativa e xurídica galega para o persoal ao servizo das distintas administracións da Comunidade Autónoma de Galicia para o ano 2026.

Poderá participar nas actividades formativas convocadas nesta resolución o persoal ao servizo da Administración pública da Comunidade Autónoma, das entidades públicas instrumentais e da Administración institucional de Galicia; da Administración de xustiza; das entidades locais de Galicia; e o persoal técnico, de xestión e de administración e servizos; das universidades do SUG.

O persoal que desexe participar nas actividades formativas convocadas nesta resolución deberá cubrir o formulario de matrícula telemática na páxina web da EGAP <https://egap.xunta.gal/matricula>, non sendo admisibles outras formas de solicitude.

O prazo de presentación de solicitudes será desde o día da publicación desta resolución no Diario Oficial de Galicia e ata o 18 de febreiro de 2026.

Os formularios poderán ser obtidos e cubertos en liña desde as 9.00 horas da data de inicio do prazo de presentación de solicitudes e ata as 14.00 horas da data de finalización.

https://www.xunta.gal/dog/Publicados/2026/20260211/AnuncioO150-030226-0002_es.html

Obtención dos certificados de lingua galega Celga 2, Celga 3 e Celga 4.

laura.lopez.lopez — Wed, 11 Feb 26 08:24:00 CET

IdiomasGalicia - Administración de Justicia Image

Convócanse, con carácter gratuíto, cursos de lingua galega preparatorios das probas para obter os certificados de lingua galega (Celga), niveis 2, 3 e 4, que se indican nos anexos I (cursos presenciais) e II (cursos en liña).

As persoas interesadas en inscribirse nos cursos , presentarán a súa solicitude a través da plataforma de teleformación da Secretaría Xeral da Lingua, no enderezo electrónico https://formacion-lingua.xunta.gal. Tras acceder á citada plataforma, deberán identificarse co nome da persoa usuaria e contrasinal. Se unha persoa non é usuaria da plataforma, deberá crear unha conta como paso previo á inscrición.

Prazo de solicitude: Ata o 5 de marzo.

https://www.xunta.gal/dog/Publicados/2026/20260211/AnuncioG0766-040226-0001_gl.html

Cursos preparatorios Celga 2,3 e 4 e cursos de linguaxe administrativa galega.

laura.lopez.lopez — Tue, 11 Nov 25 13:48:00 CET

IdiomasGalicia - Administración de Justicia Image

📣 Convocados os cursos preparatorios das probas CELGA para obter os certificados de lingua galega Celga 2, 3 e 4.

🏛️ Dispoñibles tamén os cursos de 'Linguaxe Administrativa Galega', nivel medio e superior, para empleados/as públicos/as en activo.

⭕Prazos:
- Preinscripción: do 10 ao 21 de novembro de 2025.
- Adxudicación de prazas: 24 de novembro ás 10:00 h.
- Entrega de documentación: do 25 de novembro ao 5 de decembro.

A preinscripción é telemática >> https://f.mtr.cool/bdulpazgji

Datas de realización das probas para a obtención dos certificados de lingua galega: niveis Celga 1, 2, 3 e 4

laura.lopez.lopez — Wed, 23 Apr 25 10:27:00 CEST

ConvocatoriasFormaciónOtra formaciónIdiomasGalicia - Administración de Justicia Image

RESOLUCIÓN do 11 de abril de 2025, da Secretaría Xeral da Lingua, pola que se fixan as datas de realización das probas para a obtención dos certificados de lingua galega, niveis Celga 1, 2, 3 e 4, que foron convocadas mediante a Resolución do 3 de marzo de 2025 (código de procedemento PL500C)

Os centros de realización das probas serán:

– En Santiago de Compostela: o IES Antonio Fraguas Fraguas (rúa Londres, 10) –para o Celga 4, Celga 3 e Celga 2– e a Escola Galega de Administración Pública (rúa Madrid, 2) –para o Celga 1–.

– En Ponferrada: a Escola Oficial de Idiomas desta localidade (vía Río Burbia, s/n).

– En Madrid: a Casa de Galicia en Madrid (rúa de Casado del Alisal, 8).

As probas comezarán ás 9.00 horas, de modo que as persoas admitidas deberán presentarse, no centro que lles corresponda, con antelación suficiente. Na web da Secretaría Xeral da Lingua (https://www.lingua.gal/a-secretaria-xeral/convocatorias) tamén se poderá consultar esta información, así como as listaxes definitivas de persoas admitidas para cada nivel e localidade. Así mesmo, na web publicarase, na semana das probas correspondentes, a porta de acceso ao centro e a aula asignada a cada persoa para a realización da proba escrita. No caso daquelas persoas ás cales, atendendo a causas xustificadas, se lles concedese algún tipo de adaptación ou apoio, a Secretaría Xeral da Lingua comunicaralles directamente o día, a porta de acceso e a aula que se lles asigne.

Respecto da proba oral de cada nivel Celga, lémbrase que esta se realizará o mesmo día que a proba escrita. A hora concreta en que cada persoa deberá estar presente para realizar a dita proba oral publicarase no centro correspondente, así como na web da Secretaría Xeral da Lingua, unha vez que remate a proba escrita.

Accede á resolución 👇🏽

DOG: Obtención dos certificados de lingua galega, niveis Celga 1, 2, 3 e 4 no ano 2025.

laura.lopez.lopez — Fri, 07 Mar 25 15:46:00 CET

IdiomasGalicia - Administración de Justicia Image

Publícase no DOG a RESOLUCIÓN do 3 de marzo de 2025, da Secretaría Xeral da Lingua, pola que se convocan as probas para a obtención dos certificados de lingua galega, niveis Celga 1, 2, 3 e 4, no ano 2025.

Persoas destinatarias.

As persoas maiores de dezaseis anos ou que os fagan no ano natural da convocatoria, nacionais ou estranxeiras.

Localidades onde se van realizar as probas.

As probas realizaranse en Santiago de Compostela, en Ponferrada e en Madrid.

Presentación de solicitudes e prazo.

As persoas que desexen inscribirse nas probas Celga deberán cubrir o formulario de solicitude, segundo o modelo PL500C, que se publica como anexo I, e aboar a taxa correspondente (código 304401). No formulario de solicitude deberán indicar a proba ou as probas a que solicitan presentarse, así como a localidade, e dirixilo á Secretaría Xeral da Lingua.

As persoas cunha discapacidade igual ou superior ao 33 % que as imposibilite para acreditar algunha das destrezas comunicativas (comprensión oral, expresión oral, comprensión escrita, expresión escrita) poderán solicitar motivadamente a exención da realización da proba ou probas referidas a esas destrezas.

https://www.xunta.gal/dog/Publicados/2025/20250307/AnuncioG0766-030325-0001_es.html

DOG: CONVOCATORIA CURSOS DE LINGUA GALEGA CELGA 2, 3 E 4

laura.lopez.lopez — Fri, 07 Feb 25 16:27:00 CET

ConvocatoriasFormaciónIdiomasGalicia - Administración de Justicia Image

Publícase no DOG a RESOLUCIÓN do 31 de xaneiro de 2025, da Secretaría Xeral da Lingua, pola que se anuncia, con carácter voluntario e gratuíto, a convocatoria de cursos de lingua galega preparatorios das probas para obter os certificados de lingua galega Celga 2, Celga 3 e Celga 4.

As persoas interesadas en inscribirse nos cursos presentarán a súa solicitude a través da plataforma de teleformación da Secretaría Xeral da Lingua, no enderezo electrónico https://formacion-lingua.xunta.gal. Tras accederen á citada plataforma, deberán identificarse co nome da persoa usuaria e contrasinal. Se unha persoa non é usuaria da plataforma, deberá crear unha conta como paso previo á inscrición.

O prazo de presentación das solicitudes de inscrición será de 15 días hábiles, que se contarán a partir do día seguinte ao da publicación desta resolución no Diario Oficial de Galicia.

Accede a Resolución 👇🏽

CONVOCATORIA EGAP: Cursos de linguaxe administrativa e xurídica galega

laura.lopez.lopez — Thu, 30 Jan 25 18:44:00 CET

FormaciónIdiomasGalicia - Administración de Justicia Image

Hoxe publicouse no DOG a RESOLUCIÓN do 22 de xaneiro de 2025 pola que se convocan os cursos de linguaxe administrativa e xurídica galega para persoal ao servizo das distintas administracións da Comunidade Autónoma de Galicia para o ano 2025.

O número de prazas por curso será de 25.

O persoal que desexe participar nas actividades formativas convocadas nesta resolución deberá cubrir o formulario de matrícula telemática na páxina web da EGAP <https://egap.xunta.gal/matricula>, e non serán admisibles outras formas de solicitude.

O prazo de presentación de solicitudes será desde o día seguinte ao da publicación desta resolución no Diario Oficial de Galicia e ata o 7 de febreiro de 2025.

Accede a Resolución👇🏽