Galicia - Administración de Justicia

Convocatoria da Comisión de Acción Social 2026.

laura.lopez.lopez — Tue, 14 Apr 26 12:15:00 CEST

CSIF InformaGalicia - Administración de Justicia Image

Dende a DXX convócase para a celebración, a través do sistema de videoconferencia, da comisión de acción social, na data e hora que se indica:

Data: 17.04.2026

Hora: 09:30 h.

ORDE DO DÍA:

1. Aprobación, se procede, da acta da reunión anterior.

2. Convocatoria e criterios de repartición do Fondo de Acción Social 2026

Graos I, II e III da traxectoria profesional: Mañá remata o prazo de presentación de solicitudes.

laura.lopez.lopez — Tue, 14 Apr 26 10:00:00 CEST

CSIF InformaGalicia - Administración de Justicia Image

Dende CSIF recordámosvos que mañá, 15/04/2026, remata o prazo para a presentación de solicitudes da traxectoria profesional, conforme ao previsto na Resolución do 30 de decembro de 2025, da Dirección Xeral de Xustiza, pola que se dá publicidade ao Acordo do Consello da Xunta de Galicia, do 29 de decembro de 2025, para a implantación do réxime extraordinario de acceso aos graos I, II e III do sistema transitorio extraordinario de recoñecemento da progresión na traxectoria profesional para o persoal ao servizo da Administración de xustiza en Galicia.

O persoal solicitante deberá cubrir obrigatoriamente a súa solicitude a través do formulario electrónico dispoñible na OPAX no enderezo web http://opax.xunta.es.

CSIF solicita á DXX a cobertura inmediata dunha praza no SCEX penal de Lugo.

laura.lopez.lopez — Thu, 09 Apr 26 12:55:00 CEST

CSIF InformaGalicia - Administración de Justicia Image

Dende CSIF remitimos escrito á DXX solicitando que se proceda á cobertura dunha praza de tramitación procesual no SCEX, área penal, de Lugo e que leva sen cubrir dende novembro de 2025.

A maior abundamento, neste servizo común, aparte desa praza estiveron con dous postos máis sen cubrir durante todo este tempo (unha cubriuse hai unha semana pero levaba dende hai máis dun mes baleira e a outra ofertouse onte nos chamamentos de persoal interino).

Esta nova organización non pode usarse para diluír prazas. Unha cousa é buscar a eficiencia xudicial e outra moi distinta é non cubrir prazas que, son a todas luces, necesarias e en áreas e servizos comúns moi sobrecargados como é éste e á costa do desgaste mental dos outros compañeiros/as.

Corrección de erros no complemento de produtividade de VSM.

laura.lopez.lopez — Thu, 09 Apr 26 10:05:00 CEST

CSIF InformaGalicia - Administración de Justicia Image

Dende a DXX remítennos un novo correo electrónico corrixindo un erro no anterior mail sobre o complemento de produtividade de VSM. A redacción é ésta:

"Asignarase con efectos económicos o complemento de produtividade ao persoal funcionario dos centros de destino anteriores dentro dos límites establecidos na devandita resolución dende o 01.01.2026."

Produtividade Violencia de xénero sobre a muller (VXM) para o ano 2026.

laura.lopez.lopez — Wed, 08 Apr 26 15:36:00 CEST

CSIF InformaGalicia - Administración de Justicia Image

Dende a DXX acaban de remitirnos o seguinte correo:

"Segundo o artigo 2.c da Resolución da Dirección Xeral de Xustiza, pola que se regula un complemento retributivo por obxectivos do persoal funcionario destinado nas unidades xudiciais con competencias en materia de violencia sobre a muller percibirán un complemento retributivo por obxectivos o persoal funcionario do Servizo común de tramitación do tribunal de instancia dos partidos xudiciais da fase I que asumen a materia de violencia sobre a muller, no caso de que incoasen 75 dilixencias na materia no ano anterior. Unha vez pechada definitivamente a estatística correspondente aos datos do ano 2025, constátase que cumpren o criterio establecido no artigo 2.c da dita resolución os seguintes servizos comúns de tramitación do tribunal de instancia que asumen a materia de violencia sobre a muller:

SCT de Betanzos
SCT de Carballo
SCT de Monforte de Lemos
SCT de Viveiro
SCT de Barco de Valdeorras
SCT de Ponteareas
SCT de Vilagarcía de Arousa
SCT de Tui
SCT de Cangas
SCT de Lalín
SCT de Cambados
SCT de Redondela
SCT de Porriño
SCT de Marín

Asignarase con efectos económicos dende o 01.01.2025 o complemento de produtividade ao persoal funcionario dos centros de destino anteriores dentro dos límites establecidos na devandita resolución.

A certificación da Dirección do servizo común farase de xeito mensual e poderá facerse a través da OPAX."

CSIF solicita á DXX o nomeamento de persoal de reforzo no Servicio Común Xeral (SCX)-Xestión-Rexistro-Repartición e Asuntos Xerais da Coruña.

laura.lopez.lopez — Wed, 08 Apr 26 15:19:00 CEST

CSIF InformaGalicia - Administración de Justicia Image

Este sindicato, ante a sobrecarga de traballo que están a sufrir os compañeiros do servizo común xeral da Coruña (antigua oficina de decanato) remitimos escrito á Dirección Xeral de Xustiza para que o máis axiña posible se nomee persoal de reforzo de dúas persoas de Tramitación ou Xestión.

A antiga oficina de Decanato estaba cuberta por persoal do servizo de apoio que, coa implantación e entrada en funcionamento dos Tribunais de Instancia Fase III o pasado 2 de xaneiro, se eliminou, reordenando a ese funcionariado noutros postos diferentes ao SCX, o que supuxo que se reducise o persoal da antiga oficina do Decanto nunhas 7 persoas aproximadamente.

CSIF GALICIA PRESENTOU INFORME ANTE A COMISIÓN DE SEGUIMENTO DO MINISTERIO SOBRE A IMPLANTACION DA NUMO.

laura.lopez.lopez — Wed, 08 Apr 26 13:14:00 CEST

CSIF InformaGalicia - Administración de Justicia Image

Hoxe, día 8 de abril, o Ministerio de Xustiza, a pedimento deste sindicato CSIF, convocou a COMISIÓN DE SEGUIMENTO DA NUMO, para valorar a súa implantación nos distintos territorios.

Desde CSIF GALICIA remitiuse o correspondente informe sobre a caótica situación que estamos a atravesar e que, de non corrixirse, chegaremos a consecuencias impredicibles.

Desde o proceso de acoplamento, o que se deixou patente é a FALTA DE PERSOAL en todos os servizos comúns, tanto en de Tramitación como de execución e no xeneral. A eliminaciòn do Servizo de Apoio , así como a redución de persoal nos Actos de comunicación e en todos os Servizos comúns está a levar a unha SOBRECARGA de traballo dos funcionarios que é inviable e que está a afectar á súa saúde, xerando tensión, ansiedade, depresión........ e outros trastornos.

Esta implantación debería realizarse cunha previsión e organización previa, con información detallada e suficiente, contando cos funcionarios/as para a formación dos equipos e valorando, en todo caso, a voluntariedade e a antigüidade.

Doutra banda, os LAXS delegan todo na oficina e nos funcionarios/as, por tanto, desde CSIF esiximos que os funcionarios cobren polas delegacións que fan os LAXs ou que éstes fagan o seu traballo.

Hai un total caos nas oficinas porque nin os titulares nin os interinos saben a qué posto teñen que ir, noméanos cun código de rpt e colócanos noutro código, é un total desastre e descontrol.

Este sindicato tamén fixo constar que hai unha total falta de coordinación entre letrados, xefes de área, equipo e funcionarios, e, a pesar de que se pediu formación presencial para as Xefaturas , a día de hoxe, seguimos sen contestación por parte da DXX .

Descoñecemos tamén cando se vai comezar a situar ao persoal para que cada área-equipo ou grupo estea no sitio físico que corresponda. A día de hoxe é todo un total descontrol.

CSIF XUSTIZA POR TI, CONTIGO

Borrador do programa anual de vacacións do ano 2026.

laura.lopez.lopez — Wed, 08 Apr 26 13:07:00 CEST

CSIF InformaGalicia - Administración de Justicia Image

Dende a DXX achégannos o borrador do Programa anual de vacacións do ano 2026 para alegacións ata o día 10/04/2026 ás 14 horas.

CSIF solicita ao Ministerio de Xustiza a aprobación de 19 prazas xudiciais en Galicia, incluido o número 8 da Sección de Instrución da Coruña e Vigo.

laura.lopez.lopez — Mon, 06 Apr 26 14:27:00 CEST

CSIF InformaGalicia - Administración de Justicia Image

Dende CSIF remitimos escrito ao Ministerio de Xustiza solicitando a aprobación para Galicia das prazas propostas no Proxecto de Real Decreto de creación de cincocentas unidades xudiciais correspondentes á programación de 20226 e de adecuación da planta xudicial.

Temos coñecemento de que a finais de maio ou xuño se aprobará o Real Decreto de creación, unha vez emitido o informe favorable polo CXPX e que Xustiza traballa no borrador do decreto onde se mantén a dotación xurídica para a Coruña e Vigo.

Por todo iso, CSIF SOLICITA que se realicen as xestións necesarias para que na aprobación do Real Decreto de creación de unidades xudiciais para Galicia se manteña a creación e recuperación da praza de Maxistrado/a da Sección de Instrución número 8 do Tribunal de Instancia da Coruña e Vigo.