Forenses Orde PJC/1446/2024: prazas ofertadas en Galicia.

Publicada a Resolución da Dirección Xeral de Xustiza, pola que se ofrecen ás persoas aspirantes aprobadas nas probas selectivas para ingreso no Corpo de Médicos Forenses, quenda libre, polo sistema xeral de acceso libre, convocadas por Orde PJC/1446/2024, do 10 de decembro, as prazas correspondentes ao ámbito da Comunidade Autónoma de Galicia.

As solicitudes de destino dos aspirantes presentaranse a través da sede electrónica no prazo de cinco días naturais contados a partir da notificación da presente Resolución ou ben enviando un correo electrónico á seguinte dirección (servizo.persoal.xustiza@xunta.gal) indicando no asunto “elección destino médicos forenses”.