Publicado na intranet comunicado sobre o DNI en formato dixital.

  • CSIF Informa

6 de d’abril de 2026

A partir do 1 de abril de 2026, todas as administracións públicas deberán admitir o DNI en formato dixital como medio válido de identificación. A aplicación móbil MiDNI permítelles ás persoas dispoñer do seu DNI no teléfono móbil coa mesma validez e garantías que o DNI físico.

Recoméndase consultar a ficha dispoñible, na que se explica de maneira visual e paso a paso como realizar a verificación do DNI dixital.

  • Podes consultala 📄premendo aquí ou desde a ligazón publicada na páxina do teu perfil.

Así mesmo, remítense uns informes técnico-xurídicos do CXPX que clarifican o uso obrigatorio e o alcance do DNI dixital (MiDNIe) nos procedementos e nas sedes xudiciais.

Como verificar o DNI dixital?

A verificación realízase mediante un código QR xerado na aplicación MiDNI, sendo este o único medio oficial de validación do DNI dixital.

Para realizar a comprobación, deben seguirse os seguintes pasos:

  1. Acceder ao verificador de QR na páxina: https://www.midni.gob.es/VerificadorQR.
  2. Aceptar os permisos para o uso da cámara do equipo.
  3. Solicitar á persoa usuaria que xere o código QR desde a aplicación MiDNI.
  4. Situar o código QR diante da cámara para realizar a verificación.

Se o DNI é auténtico e válido, amosaranse durante uns segundos na pantalla os datos da persoa usuaria para a súa comprobación.

Consideracións importantes

  • ❌ Non acceder ao QR mediante a cámara dun móbil nin a través de aplicacións de terceiros.
  • ✔️ A verificación debe realizarse exclusivamente a través da páxina oficial.
  • ❌ Non comprobar os datos directamente no dispositivo da persoa usuaria nin aceptar capturas de pantalla.
  • ✔️ É obrigatorio validar sempre a información mediante o escaneamento do código QR.

Tipos de información dispoñible

A cidadanía pode decidir que información compartir mediante tres tipos de códigos QR:

  • DNI idade: acredita a maioría de idade e inclúe a fotografía.
  • DNI simple: inclúe fotografía, nome completo, data de nacemento, sexo e data de validez do DNI.
  • DNI completo: inclúe todos os datos do DNI.

 

COMPARTIR